1 Samuel 17:50 - Q'eqchi Bible

⁵⁰ Jo'ka'in naq laj David kixq'ax ru laj Filistea rik'in jok' ut pek; kixket ut kixkamsi chi maak'a' xch'iich' sa' ruq'.

Li Santil hu

⁵⁰ Joꞌcaꞌin nak quixcamsi laj Goliat laj David, usta ma̱cꞌaꞌ xchꞌi̱chꞌ riqꞌuin. Quixcamsi ban riqꞌuin rantꞌin ut pec.

1 Samuel 17:50 ပူးပေါင်းရင်းမြစ်များ

Jueces 15:15

Chirix chik a'an kixtaw jun xkalam e li b'uur li toje'aq na'oso'k li rix, kixye' li ruq', kixxok ut chiru a'an kixkamsi lajeek'aal rox o'q'ob' (1,000) chi winq:

1 Samuel 23:21

Kichaq'ok laj Saúl ut kixye: “Li Qaawa' chi'osob'tesinq eere xb'aan naq xetoq'ob'a wu.

1 Samuel 21:9

Kichaq'ok laj tij: “Wank arin li xjutz' ch'iich' laj Goliat, a' laj Filistea li xakamsi laa'at sa' xtaq'ahil Elá. Lanlo sa' t'ikr chirix li efod. Wi taawaj, xok. Maak'a' chik junaq ch'iich' chirix a'an”, chan. Kixye laj David: “K'e we a'an. Maak'a' chik ch'iich' q'axal chaab'il jo' a'an”.

1 Samuel 17:39

Ab'an naq laj David kixb'ak' li xjutz' ch'iich' chiru li raq' ut kixyal b'eek, ink'a' kiruuk, xb'aan naq toj maji' k'aynaq. Tikto kixye re laj Saúl: “Ink'a' ninru chi b'eek sa' a'in. Maajun sut inb'aanuhom a'an”. Toja' naq laj David kirisi li aq'ej chirix:

1 Samuel 13:22

Xb'aan a'an, naq kiwulak xq'ehil li yalok, maajun reheb' laj puub' li wankeb' rochb'een laj Saúl ut laj Jonatán wank xch'iich' re yalok. Ka'ajwi' laj Saúl ut laj Jonatán li ralal wankeb' xch'iich' sa' ruq'eb'.

Jueces 3:31

Chirix laj Ehud kichalk laj Sankar, ralal laj Anat, li kixkamsi lajeek'aal xkab' o'q'ob' (600) chi winq rik'in jun topleb' b'ooyx. A'an ajwi' kixkoleb' laj Israel.

1 Samuel 17:49

Kixch'ik li ruq' sa' li xjelool, kirisi chaq jun li pek, kixkut chiru li xjok' ut kixket xpeekem laj Filistea: li pek kinaqk sa' xpeekem laj Filistea li kit'ane'k chi hupu chiru ch'och'.

1 Samuel 17:51

Toja' naq ki'aanilak laj David, koxxaqliiq chi xk'atq laj Filistea, kixchap li xch'iich', kirisi sa' rochoch ut kixkamsi chi junajwa laj Goliat. Chirix a'an kixch'ot li xjolom. Naq eb' laj Filistea ke'ril naq kamenaq chik laj k'amol xb'eheb', ke'elelik.

1 Samuel 19:5

Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.