1 Samuel 17:47 - Q'eqchi Bible

⁴⁷ Ut chixjunileb' li ch'utch'uukeb' arin te'xnaw naq li Qaawa' ink'a' nakolok rik'in ch'iich' chi moko rik'in jutz' che': li Qaawa' a'an laj eechal re li yalok a'in, ut A'an taaq'axtesinq eere sa' quq' laa'o”.

Li Santil hu

⁴⁷ Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

1 Samuel 17:47 ပူးပေါင်းရင်းမြစ်များ

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

2 Crónicas 14:11

ut jo'ka'in kixye naq kitijok chiru li Qaawa' li xYos: “At Qaawa', ka'ajwi' laa'at nakatenq'aheb' li kaweb' rib' ut li maak'a'eb' xmetz'ew! Tenq'aho, at Qaawa', at qaYos, xb'aan naq aawik'in kaw qach'ool ut sa' aak'ab'a' xook'ulunk chi yalok rik'ineb' li poyanam a'in li k'ajo' xk'ihaleb'! At Qaawa', laa'at li qaYos! Maajun taxaq winq chinumtaaq chawu laa'at!”.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.