1 Samuel 17:46 - Q'eqchi Bible

⁴⁶ Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

Li Santil hu

⁴⁶ Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

1 Samuel 17:46 ပူးပေါင်းရင်းမြစ်များ

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Josué 4:24

Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

2 Reyes 19:19

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li x'awab'ejihom li ruuchich'och' naq ka'ajwi' laa'at li Qaawa', li tz'aqal Yos”.

1 Reyes 8:43

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

Deuteronomio 28:26

Laatib'el a'anaqeb' xwa chixjunileb' li xik'anel xul neke'rupupik chiru choxa; xwahaqeb' ajwi' chixjunileb' li xul sa' ruuchich'och' chi maajun taaxib'enq reheb'.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

San Mateo 24:28

B'ar wanq li kamenaq, aran te'xch'utub' rib' eb' li so'sol.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Isaías 37:20

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li tenamit sa' ruuchich'och' naq ka'ajwi' laa'at li Qaawa', li tz'aqal Yos”.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

1 Samuel 17:44

ut kixye re: “Kim arin ut tink'e laatib'el reheb' li xik'anel xul re li choxa ut reheb' ajwi' li josq' aj xul wankeb' sa' k'iche'”, chan.

Deuteronomio 7:23

Ab'an li Qaawa' laaYos tixq'axtesiheb' sa' laawuq' ut toxsacheb', toj reetal te'oso'q chi junajwa.

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Isaías 56:9

Ex josq' aj xul, kimqex; ex xul li wankex chaq sa'eb' li k'iche', kimqex chi wa'ak.

Salmos 31:8

Chisaho'q linch'ool, chisaho'q li waanm sa' xk'ab'a' xnimal laarahom. Laa'at xawil naq q'axal xtoq'ob'aal wu ut xanaw chixjunil li xrahil li waanm;

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

2 Samuel 18:28

Naq laj Ajimás kinach'ok chaq, kiwiq'laak, kixhupub' rib' chiru ch'och' ut kixk'e xsahil xch'ool li awab'ej: “At awab'ej, usilaatinanb'il taxaq li Qaawa' laaYos li xq'axtesink reheb' sa' laawuq' li xe'raj raj numtaak sa' aab'een”, chan.

2 Samuel 21:10

Toja' naq lix Rispá, xrab'in laj Ayá, kixchap jun q'es ruhil t'ikr, kixhel sa' xb'een li saqoonak ut aran kiwank chalen sa' xtiklajik li xsik'b'al ru li seb'aad toj sa' xtiklajik li hab'alq'e, ut ink'a' kixkanab'eb' li so'sol chi xaqliik chi xk'atqeb' chiru li kutan chi moko li josq' aj xul chiru li q'oqyink.

1 Reyes 8:60

Chooxtenq'a taxaq re naq chixjunileb' li tenamit sa' ruuchich'och' te'xk'e reetal naq li Qaawa' a'an Yos, ut maak'a' chik junaq.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

Jeremías 34:20

ut tinq'axtesiheb' sa' ruq'eb' li xik' neke'ilok reheb' ut te'ajoq xkamsinkileb'. Chikanaaq li xtib'eleb' cho'q xtib' eb' li so'sol ut eb' li k'iche'il xul.

Génesis 40:19

Sa' oxib' kutan chik laj Parahón taaraqoq wi' chik aatin sa' aab'een ut tatxt'uyub' chiru junaq che' ut eb' li xik'anel xul te't'upinq re laatib'el”, chan.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.