1 Samuel 17:34 - Q'eqchi Bible

³⁴ Kichaq'ok laj David ut kixye: “Naq laa'in laamoos wankin chaq chi xk'aak'alenkil li xketomq li xyuwa', wi junaq kaqkoj malaj tz'uqtz'un nachalk ut naxchap junaq karneer sa' xyanq li ketomq,

Li Santil hu

³⁴ Laj David quixye re laj Saúl: —At rey, la̱in nin-iloc reheb lix carner lin yucuaꞌ. Nak queꞌchal li cakcoj malaj ut li oso chixchapbal li carner saꞌ xya̱nkeb lix comon,

1 Samuel 17:34 ပူးပေါင်းရင်းမြစ်များ

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

1 Samuel 17:33

“Ink'a' naru tatxik chi yalok rik'in laj Filistea a'an, xb'aan naq toj saaj alat, ut a'an chalen sa' xch'ajomal yo'oon chi yalok”, chan laj Saúl.

1 Samuel 17:35

laa'in ninxik chirix ut ninteni toj reetal ninmaq' li karneer chiru. Ut wi naxkut chaq rib' sa' inb'een, ninchap chi xkalam e ut ninteni toj reetal ninkamsi.

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

Génesis 31:39

Maajun wa xink'am chaq aawik'in junaq laaketomq kamsinb'il xb'aaneb' li josq' aj xul: junelik xink'e reeqaj a'an ut laa'at xapatz' we aatojb'al xb'aan li xe'relq'a chi q'eq malaj chi kutan.

1 Samuel 17:15

ab'an laj David rajlal nawulak rik'in laj Saúl ut nasutq'iik wi' chik Belén chi xk'aak'alenkileb' li xkarneer li xyuwa'.

2 Samuel 17:8

Laa'at nakanaw chi us naq laayuwa' ut eb' li winq rochb'een q'axal kaweb' rib' ut yookeb' xjosq'il anaqwan, jo' junaq tz'uqtz'un li xmaq'mank li raleb'. Jun chik: laayuwa' naxnaw yalok chi us, ut ink'a' tixnumsi li q'oqyink sa' xyanqeb' li tenamit.

2 Samuel 23:20

Laj Benaías, ralal laj Johadá, aj Kabsehel, a'an jun li winq kaw xch'ool li kixb'aanu xninqal ru b'aanuhom rik'in li xjutz' ch'iich' ut kixkamsiheb'. A'an kikamsink re li wiib' xninqaleb' ru winq aj Mohab. Sa' jun kutan naq yo chaq chi kub'eek sa' choxa li ratz'amke, ki'ok sa' jun b'ekb'il ha' ut kixkamsi jun kaqkoj.

1 Crónicas 11:22

Laj Benaías, ralal laj Johadá, aj Kabsehel, a'an jun li winq kaw xch'ool li kixb'aanu xninqal ru b'aanuhom. A'an kikamsink re li wiib' xninqaleb' ru winq aj Mohab. Sa' jun kutan naq yo chaq chi kub'eek sa' choxa li ratz'amke, ki'ok sa' jun b'ekb'il ha' ut kixkamsi jun kaqkoj.

Salmos 143:5

Jultik we eb' li kutan ke'nume'k junxil, nink'oxla rix jo'nimal li xab'aanu chaq, ut nanaqk sa' inch'ool chixjunil laab'aanuhom.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

Zacarías 9:7

twisi sa' reheb' li tib' toj wank xkik'el, ut tinmaq' chiruheb' li tz'i'b'eetalil tzekemq. Sa' xyanqeb' a'an te'kanaaq ajwi' jun rela' cho'q re li qaNimajwal Yos, chanchanaq xkomoneb' laj Judá; ut eb' laj Akrón wanqeb' jo'eb' laj Jebús.

Zacarías 11:16

Xb'aan naq ok we chi xxaqab'ankil sa' li tenamit a'in jun aj ilol karneer li maak'a' taaraj wi' eb' li neke'cha'chotk. Ink'a' tixsik' li karneer sachenaq, ink'a' tixb'an li tiq'ilk chi moko tixch'oolani li kaw, tixtzeka b'an chik li nim xtib'el, chi ink'a' taaril xtoq'ob'aal ru.

San Lucas 2:8

Sa' li na'ajej a'an wankeb' aj k'aak'alenel ketomq, yookeb' chi yo'lek re xk'aak'alenkil li xketomq chiru q'oqyink.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

Romanos 5:4

li xnimal kuyum naxyoob' li tz'aqal chaab'ilal; li tz'aqal chaab'ilal naxyoob' li oyb'enink,

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.