1 Samuel 17:26 - Q'eqchi Bible

²⁶ Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Li Santil hu

²⁶ Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

1 Samuel 17:26 ပူးပေါင်းရင်းမြစ်များ

1 Samuel 11:2

Kichaq'ok laj Najás aj Amón ut kixye reheb': “Tinb'aanu jun sumwank eerik'in, ab'an tento xb'enwa twisi xsa' leeru li wank sa' leenim chejunjunqal. Chi jo'kan te'kanaaq sa' xutaanal chixjunileb' laj Israel”.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:10

Anaqwan laa'in tinchiq' chi yalok eb' laj Israel. K'ehomaq chaq we junaq winq re taayaloq wik'in”, chan laj Goliat.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

Daniel 9:16

At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Salmos 79:12

Q'axal xate'xhob' li tenamit li nach' wankeb': chak'e reeqaj a'an, at Qaawa', wuqub' sut ta chik che'xkul reeqajunkil!

Salmos 44:13

Xak'ayi laatenamit ut maak'a' nakara xb'aan, ink'a' xab'ihomob'resi aawib' rik'in li xtz'aq.

Nehemías 5:9

Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Joel 2:19

ut kixye reheb': “Tintaqla chaq eere li triiw, li b'iin ut li aseeyt toj reetal taak'ojlaaq eech'ool, ut maajoq'e chik texink'e chi se'eek xb'aaneb' li tenamit junch'ol.

Salmos 74:18

Chinaq sa' laach'ool, at Qaawa': laj xik'il uuchinel nakatxmajewa; jun jip aj tenamit neke'xtz'eqtaana laak'ab'a'.

1 Samuel 17:30

Tikto kixkanab' li ras ut koho chi patz'ok rik'in jalan chik winq, ut kiyehe'k wi' chik re jo' kirab'i xb'enwa.

1 Samuel 31:4

Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil ut chinkamsinkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

Jeremías 9:25

Xyehom li Qaawa': “Chalk re xkutankil naq tink'ajtesi ruheb' chixjunil li tenamit li xk'ulumeb' li sirkunsisyon ka'ajwi' sa' li xjunxaqalileb':

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Ezequiel 28:10

Tatkamq sa' ruq'eb' laj ab'l tenamit, jo' naq nakamk li ink'a' napaab'ank we. Laa'in, li Qaawa', xinyehok re a'in»”.

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

2 Crónicas 32:17

Kixtaqlaheb' ajwi' hu b'arwi' kixmajewa li Qaawa', xYos laj Israel, ut kixye chi jo'ka'in: “Jo' naq li xyoseb' li tenamit junch'ol ink'a' ke'ruuk xkolb'aleb' sa' wuq', jo'kan ajwi' li xYos laj Esekías ink'a' tixkol li xtenamit sa' wuq'”.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.