1 Samuel 17:13 - Q'eqchi Bible

¹³ Oxib'eb' li ralal laj Jesé ak xikenaqeb' chi yalok chirix laj Saúl. Li xk'ab'a'eb' a'an: laj Eliab li xb'een, laj Abinadab li xkab', ut laj Samá li rox.

Li Santil hu

¹³ Oxibeb li ralal laj Isaí ac cuanqueb saꞌ xya̱nkeb lix soldado laj Saúl re teꞌxic chi pletic. Li xbe̱n ralal, aꞌan laj Eliab; li xcab, aꞌan laj Abinadab; ut li rox, aꞌan laj Sama.

1 Samuel 17:13 ပူးပေါင်းရင်းမြစ်များ

1 Crónicas 2:13

Laj Eliab a'an chaq xb'een ralal laj Jesé; laj Abinadab a'an xkab', laj Simá a'an chaq li rox,

2 Samuel 21:21

Kixhob'eb' laj Israel, ut kikamsiik xb'aan laj Jonatán, ralal laj Simá, ras laj David.

2 Samuel 13:32

ab'an laj Jonadab, ralal laj Simá li ras laj David, ki'ok chi aatinak ut kixye: “At awab'ej, maak'oxla naq kamenaqeb' chixjunileb' laawalal. Ka'ajwi' laj Amnón xkamk. Ak wank sa' xch'ool laj Absalón xkamsinkil laj Amnón chalen naq a'in kixmux lix Tamar li ranab'.

2 Samuel 13:3

Ab'anan kiwank jun ramiiw laj Amnón, aj Jonadab xk'ab'a', ralal laj Simá li ras laj David. Laj Jonadab wank xk'a'uxl,

1 Samuel 17:28

Naq laj Eliab kirab'i li yo xyeeb'al li riitz'in reheb' li winq, kichalk xjosq'il sa' xb'een laj David ut kixye re: “K'a' aj e naq xatchalk arin? Ani aj ik'in xakanab' chaq li jun ch'ina ch'uuteb' li karneer sa' li chaqich'och'? Ninnaw laaq'etq'etil ut li xlab'al laach'ool, xb'aan naq xatchalk arin yal re rilb'al li yalok”, chan.