1 Samuel 16:19 - Q'eqchi Bible

¹⁹ Jo'kan naq laj Saúl kixtaqlaheb' aj esil rik'in laj Jesé re te'xye re: “Taqla chaq we laj David laawalal, li nak'aak'alenk reheb' li karneer”.

Li Santil hu

¹⁹ Joꞌcan nak laj Saúl quixtaklaheb lix takl riqꞌuin laj Isaí ut queꞌxye re: —Li rey Saúl naraj nak ta̱takla chak riqꞌuin laj David la̱ cualal li nacꞌacꞌalen reheb li carner, chanqueb.

1 Samuel 16:19 ပူးပေါင်းရင်းမြစ်များ

1 Samuel 17:15

ab'an laj David rajlal nawulak rik'in laj Saúl ut nasutq'iik wi' chik Belén chi xk'aak'alenkileb' li xkarneer li xyuwa'.

1 Samuel 16:11

Toja' naq laj Samuel kixpatz' re laj Jesé: “Ma ka'ajeb' wi' a'in laawalal?”, chan. Kichaq'ok laj Jesé: “Jun chik li toj iitz'inb'ej chi us, li yo chaq chi rilb'aleb' li karneer”, chan. “Taqla xb'oqb'al -chan laj Samuel- xb'aan naq ink'a' toowa'aq wi toj maji' tk'ulunq”.

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Salmos 113:8

re naq te'k'ojlaaq sa' xyanqeb' li xninqal ru winq, rochb'eeneb' li ninqeb' xwankil sa' li tenamit.

1 Reyes 19:19

Ki'elk aran laj Elías ut koxtaw laj Eliseo, li ralaj laj Safat, naq yo chi xpikb'al li ch'och' rik'in kab'laju sumal chi b'ooyx, ut laj Eliseo wank sa' li xmaril. Laj Elías kinume'k chi xk'atq ut kixkut li xb'atb'al sa' xb'een.

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

1 Samuel 16:20

Laj Jesé kixtaqla laj David li ralal, ut kixtaqla ajwi' jun xb'uur li taa'iiqanq re naab'al li kaxlan wa, jun kuk tz'uum chi b'iin ut jun ch'ina chib'aat, cho'q re laj Saúl.