1 Samuel 15:35 - Q'eqchi Bible

³⁵ Laj Samuel ink'a' chik kiril ru laj Saúl chiru chixjunil li xyu'am. Nayaab'ak laj Samuel chirix laj Saúl xb'aan naq ra chik sa' xch'ool li Qaawa' naq kixxaqab' laj Saúl cho'q awab'ej re Israel.

Li Santil hu

³⁵ Ut laj Samuel incꞌaꞌ chic co̱ chirilbal laj Saúl chalen toj nak quicam. Abanan cꞌajoꞌ nak quirahoꞌ xchꞌo̱l xban. Ut li Ka̱cuaꞌ Dios quiyotꞌeꞌ xchꞌo̱l nak quixxakab laj Saúl chokꞌ xreyeb laj Israel.

1 Samuel 15:35 ပူးပေါင်းရင်းမြစ်များ

1 Samuel 19:24

Aran kirisi li raq' ut kixk'ut rib' chiru laj Samuel chi eechaninb'il xb'aan xmusiq' propeet. Ut kikanaak chi t'ust'u chiru ch'och' chiru chixjunil li kutan ut q'oqyink a'an. Jo'kan naq chalen sa' li kutan a'an nayeemank: “Ma xkomoneb' li propeet laj Saúl?”.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

Filipenses 3:18

Xb'aan naq naab'aleb' xik' neke'ril li xkrus li Kriist. A'in ak k'iila sut inyehom eere, ut anaqwan ninye wi' chik eere rik'in yaab'ak.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Salmos 119:158

Naq nink'eheb' reetal laj b'alaq', k'ajo' naq napo'k linch'ool, xb'aan naq ink'a' neke'xpaab' laawaatin.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

2 Samuel 6:23

Ut lix Mikal, xrab'in laj Saúl, ink'a' kiwank xk'uula'al chalen naq kikamk.