1 Samuel 15:33 - Q'eqchi Bible

³³ A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Li Santil hu

³³ Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

1 Samuel 15:33 ပူးပေါင်းရင်းမြစ်များ

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Génesis 9:6

“Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Apocalipsis 18:6

K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

Números 14:45

Toja' naq ke'kub'e chaq eb' laj Amalek ut eb' laj Kanahán li wankeb' chaq chi tzuul, ke'xsach ruheb' laj Israel ut ke'raanilasiheb' toj Jormá.

Éxodo 17:11

Ut kik'ulmank a'in: naq ye'yookeb' li ruq' laj Moisés, q'axal kaweb' rib' laj Israel; ut naq kub'sinb'ileb', a'eb' chik laj Amalek kaweb' rib'.

1 Samuel 15:32

Chirix chik a'an kixye laj Samuel: “K'amomaq chaq laj Agag, awab'ej re Amalek”. Ut laj Agag kixk'ut rib' chiru laj Samuel chi sa sa' xch'ool, yo chi xyeeb'al: “Relik chi yaal naq ink'a' chik tine'xkamsi”, chan.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Éxodo 21:24

Isinb'ilaq xsa' ru li x'isink xsa' aawu; isinb'ilaq ruuch re li x'isink ruuch aawe; yok'b'ilaq ruq' li xyok'ok aawuq' ut yok'b'ilaq roq li xyok'ok aawoq.

1 Samuel 10:8

Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.