1 Samuel 15:24 - Q'eqchi Bible

²⁴ Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

Li Santil hu

²⁴ Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

1 Samuel 15:24 ပူးပေါင်းရင်းမြစ်များ

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Números 22:34

Toja' naq laj Balaham kixye re li x'Ánjel li Yos: “Xinmaakob'k. Ink'a' xinnaw naq laa'at yookat chi xramb'al linb'e. Ab'anan, wi ink'a' nakawaj naq tinxik, anaqwan ajwi' sutq'iik we”, chan.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Éxodo 23:2

“Us ta q'axal naab'aleb' li neke'xb'aanu li ink'a' us, ab'an matxik chirixeb'. “Chiru laj raqol aatin maak'e aawib' sa' xyanqeb' li naab'aleb' li te'raj xsachb'al xwankil li yaal,

Jeremías 38:5

Kichaq'ok laj Sedesías, li awab'ej, ut kixye: “B'aanuhomaq re li k'aru teeraj xb'aanunkil. Laa'in maak'a' naru ninb'aanu re xramb'al cheru”.

Li xHu LAJ JOB 31:34

Ink'a' xinxiwak xb'aan li k'aru te'xye li poyanam; maajun wa xintz'ap wib' sa' wochoch yal xb'aan inxiw naq tine'xtz'eqtaana.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

1 Samuel 15:15

Kichaq'ok laj Saúl: “Rik'ineb' laj Amalek xqak'ameb' chaq, xb'aan naq li tenamit ink'a' xe'xkamsi li ninqi karneer ut wakax, re xmayejankileb' chiru li Qaawa' laaYos. Ut li junch'ol chik xqaq'axtesi chi sache'k”, chan laj Saúl.

1 Samuel 15:9

Ab'anan laj Saúl ut eb' laj puub' ink'a' ke'xkamsi laj Agag ut li xchaab'ilal eb' li xkarneer, chi moko li wakax ninqeb' xtib'el, eb' li xchib'aat ut li k'aru terto xtz'aq. Ink'a' ke'raj xq'axtesinkil chi oso'k. Ka'ajwi' li k'aru tz'eqtaananb'il ut maak'a' na'ok wi' ke'xq'axtesi chi sache'k.

1 Samuel 2:29

K'a' naq xetz'eqtaana lin'artal ut li mayej li xinye eere naq teeq'axtesi sa' linloq'laj Muheb'aal? K'a' naq q'axal chik xaraheb' laawalal aak'ajol chiwu laa'in ut xach'oolaniheb' rik'in xchaab'ilal chixjunil li xmayejeb' lintenamit Israel?».

Éxodo 10:16

Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Génesis 3:12

Kichaq'ok li winq: “Li ixq li xak'e cho'q wochb'een, a'an xk'ehok we ru li che', ut xinlow”, chan.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

Salmos 51:4

chawisi chi junwaakaj li ink'a' us xinb'aanu ut chinaach'ajob'resi chiru linmaa'usilal.