1 Samuel 15:11 - Q'eqchi Bible

¹¹ “Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

Li Santil hu

¹¹ —Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

1 Samuel 15:11 ပူးပေါင်းရင်းမြစ်များ

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

2 Samuel 24:16

Ut naq li ánjel kixye' li ruq' sa' xb'een Jerusalén re xsachb'al, kiyot'e'k xch'ool li Qaawa' chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Arawná aj Jebús.

Jeremías 9:18

Xseeb'aaqeb' rib' chi chalk re te'yaab'aq chiqix, re naq tootz'uyinq ajwi' laa'o ut taat'ule'q xya'al li qu chi yaab'ak.

Salmos 36:3

K'ajo' naq naxra rib' ut ink'a' naxk'e reetal li xmaak chi moko naxtz'eqtaana li xmaa'usilal.

1 Samuel 15:35

Laj Samuel ink'a' chik kiril ru laj Saúl chiru chixjunil li xyu'am. Nayaab'ak laj Samuel chirix laj Saúl xb'aan naq ra chik sa' xch'ool li Qaawa' naq kixxaqab' laj Saúl cho'q awab'ej re Israel.

1 Samuel 15:9

Ab'anan laj Saúl ut eb' laj puub' ink'a' ke'xkamsi laj Agag ut li xchaab'ilal eb' li xkarneer, chi moko li wakax ninqeb' xtib'el, eb' li xchib'aat ut li k'aru terto xtz'aq. Ink'a' ke'raj xq'axtesinkil chi oso'k. Ka'ajwi' li k'aru tz'eqtaananb'il ut maak'a' na'ok wi' ke'xq'axtesi chi sache'k.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Hebreos 10:38

Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Salmos 125:5

A'ut eb' li neke'xk'am li b'e ink'a' us chatz'eqtaanaheb' rochb'eeneb' li neke'b'aanunk li maa'usilal. Chiwanq taxaq tuqtuukilal rik'ineb' laj Israel!

Salmos 110:4

Kixye li Qaawa' sa' jurament, ut ink'a' tixjal li raatin: “Laa'ataq aj tij chi junelik, jo' chanru xk'anjel laj Melkisedek”.

Salmos 109:4

Jo' reeqaj linrahom, k'ajo' naq nikine'xjit; ab'an laa'in junes tijok ninb'aanu.

Salmos 78:57

Ke'xq'et li raatin, tik ke'sachk, ke'xb'aanu wi' chik jo' ke'xb'aanu li xna' xyuwa'eb' junxil, chanchaneb' li xna' simaj li ink'a' tiik najayalink.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Josué 22:16

“A'in xyehom chixjunil li xkomonil li Qaawa': K'a' chi maakil a'in li xeb'aanu chiru li xYos laj Israel? K'a'ut naq xeq'etq'eti eerib' chiru li Qaawa' anaqwan? Laa'ex xeyiib' jun li artal, ut chi jo'kan xexnajto'k rik'in li Qaawa'.

San Lucas 6:12

Sa'eb' li kutan a'an koho li Jesus chi tijok sa' xb'een tzuul ut kixnumsi chixjunil li q'oqyink, yo chi tijok chiru li Yos.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

Salmos 78:41

Ke'ok wi' chik chi xyalb'al rix li Qaawa' ut ke'xchiq' xjosq'il li xSant laj Israel.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Amós 7:3

Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

1 Samuel 8:6

Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa',

1 Samuel 15:10

Chirix chik a'an li Qaawa' kiraatina laj Samuel ut kixye:

1 Crónicas 21:15

Ut li Yos kixtaqla jun li x'ánjel re xsachb'al Jerusalén. Ab'an naq yo chi xsachb'al li tenamit, li Qaawa' kiril a'an, kiyot'e'k xch'ool chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Ornán aj Jebús.

Li xHu LAJ JOB 34:27

xb'aan naq ink'a' xe'raj xpaab'ankil li Qaawa' chi moko xe'xtaaqe li xb'e.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Jeremías 34:16

Ab'anan, chirix a'an xepo' leena'leb' ut xesach xwankil link'ab'a' naq xex'ok wi' chik chi xminb'aleb' ru eb' li winq ut eb' li ixq li ak xe'wank cho'q eemun, re naq te'k'anjelaq wi' chik cheru.

Ezequiel 18:24

“Ab'anan wi li tiik xch'ool tixjal li xna'leb' ut taa'ok chi xb'aanunkil li maa'usilal ut li jo'maajo'il b'aanuhom jo' neke'xb'aanu li ink'a' useb' xna'leb', ma taakole'q tab'i' a'an? Maajun reheb' li xchaab'il b'aanuhom taajultikamanq, ut taakamq xb'aan li q'etb'a aatin ut li maa'usilal xb'aanu.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

1 Reyes 11:9

Li Qaawa', xYos laj Israel, k'ajo' naq kijosq'o'k rik'in laj Salomón xb'aan naq kixkanab' xloq'oninkil li Qaawa', li kixk'ut rib' ka' sut chiru

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.