1 Samuel 14:37 - Q'eqchi Bible

³⁷ Ut laj Saúl kixpatz' re li Yos: “Ma tinkub'eeq chi raanilasinkileb' laj Filistea? Ma taaq'axtesiheb' sa' ruq'eb' laj Israel?”, chan. Ab'an li Yos ink'a' kixsume laj Saúl sa' li kutan a'an.

Li Santil hu

³⁷ Ut laj Saúl quitijoc ut quixye re li Dios: —¿Ma us toxic chi pletic riqꞌuineb laj filisteo? ¿Ma ta̱kꞌaxtesiheb saꞌ kukꞌ? chan. Abanan li Dios incꞌaꞌ quixsume lix tij saꞌ li cutan aꞌan.

1 Samuel 14:37 ပူးပေါင်းရင်းမြစ်များ

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

1 Reyes 22:15

Chirix chik a'an kiwulak wan wi' li awab'ej, ut a'in kixpatz' re: “A Mikeas, ma naru tooxik chi yalok rik'ineb' laj Ramot sa' xteepal Galahad, malaj ut ink'a' tooxik?”. Kichaq'ok laj Mikeas: “Ayu xb'aan naq us tat-elq. Li Qaawa' tixq'axtesi sa' laawuq' li tenamit a'an”, chan.

1 Reyes 22:5

Ab'anan b'aanu usilal, rub'elaj li xik chi yalok patz'on re li Qaawa'”.

2 Samuel 5:23

Laj David kipatz'ok wi' chik re li Qaawa' ut a'in kixye re: “Matxik chi yalok chiruheb', k'e b'an q'oot chirixeb' ut jilon chi xk'atqeb' wankeb' wi' li che' bálsamo xk'ab'a'eb'.

2 Samuel 5:19

Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

1 Samuel 23:4

Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

Ezequiel 20:3

“At kaamel winq, aatinaheb' li xcheekelaleb' laj Israel ut ye reheb': «Jo'ka'in xye li Qaawa': Ma xexchalk chi patz'ok wik'in? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in».

1 Samuel 10:22

Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

1 Samuel 23:2

Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.