1 Samuel 14:33 - Q'eqchi Bible

³³ Toja' naq kiyehe'k resil re laj Saúl naq eb' li tenamit yookeb' chi maakob'k chiru li Qaawa', xb'aan naq yookeb' chi xtiwb'al tib' rochb'een li xkik'el. Ut laj Saúl kixye: “Laa'ex xeq'et li raatin li Yos. Tolk'osihomaq chaq arin junaq nimla pek.

Li Santil hu

³³ Quiyeheꞌ resil re laj Saúl nak eb laj Israel yo̱queb chi ma̱cobc chiru li Dios xban nak yo̱queb chixtzacanquil li tib li toj cuan xquiqꞌuel. Laj Saúl quixye reheb: —La̱ex xekꞌet li ra̱tin li Dios. Ayukex ut cꞌamomak chak junak li nimla pec arin, chan reheb.

1 Samuel 14:33 ပူးပေါင်းရင်းမြစ်များ

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.

San Mateo 7:5

At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

Hechos 15:20

ka'ajwi' chitz'iib'amanq rik'ineb' naq che'xkolaq rib' chiru li ko'b'eetak yumb'eetak, chiruheb' li yatz'b'il xul ut li kik'.

Levítico 7:26

“Yalaq b'ar wanqex laa'ex, ink'a' taaruuq teetzeka xkik'el li xul narupupik chi moko k'a' chik chi xulil.

Levítico 7:27

Li poyanam li taatzekanq yalaq k'aru chi kik'ul, taa'isimanq sa' xyanqeb' li rech tenamitul”.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 19:26

“Meetzeka li k'a'aq re ru wank xkik'el. “Meeb'aanu li q'ehib'k chi moko cheyal xch'olob'ankil rix li k'aru chaalel cheru.

Deuteronomio 12:16

Ka'ajwi' li xkik'el li xul ink'a' naru teetzeka; tento teehoy chiru ch'och' jo' naq nekehoy li ha'.

Deuteronomio 12:23

Ab'anan ink'a' naru teetzeka li xkik'el li xul, xb'aan naq li kik' a'an yu'am, ut ink'a' naru teetzeka li yu'am rochb'een li tib'.

Deuteronomio 15:23

Ab'anan ink'a' naru taatzeka xkik'el, taahoy b'an chi ch'och' kama' li ha'.

1 Samuel 14:34

Jek'ihomaq eerib' sa' xyanqeb' li tenamit ut yehomaq reheb' naq li junjunq chixk'am chaq li xb'ooyx malaj xkarneer, re naq laa'ex teekamsiheb' ut teetiw chi ink'a' texmaakob'q chiru li Qaawa' rik'in xtzekankil li kik'”, chan. Sa' li q'oqyink a'an li junjunq kixk'am chaq li xb'ooyx, ut ke'xkamsi aran.

Génesis 9:4

Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.