1 Samuel 14:24 - Q'eqchi Bible

²⁴ Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

Li Santil hu

²⁴ Saꞌ li cutan aꞌan tacuajenakeb li soldado aj Israel xban nak laj Saúl ac xba̱nu li juramento ut quixye: —Tzꞌekta̱nanbilak li ani ta̱cuaꞌak nak toj ma̱jiꞌ na-oc li kꞌojyi̱n cui toj ma̱jiꞌ nequeꞌke̱chaniheb laj filisteo, chan. Joꞌcan nak incꞌaꞌ queꞌcuaꞌac eb li soldados aj Israel.

1 Samuel 14:24 ပူးပေါင်းရင်းမြစ်များ

Josué 6:26

Sa' li kutan a'an laj Josué kixye a'in sa' jurament: “Majewanb'ilaq chiru li Qaawa' li winq li taawakliiq ut tixwaklesi wi' chik li tenamit Jerikó! Rik'in xkamik li xb'een ralal tixtoj rix li xk'ojob'ankil li rub'elankil li tenamit, ut rik'in xkamik li xch'iip tixtoj rix li xyiib'ankil li rokeb'aal”, chan.

Romanos 10:2

Ninch'olob' xyaalal chirixeb' naq q'axal neke'x'oxloq'i li Yos, ab'anan moko jo' ta tz'aqal naraj li paab'ank.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Proverbios 11:9

Li ink'a' us xna'leb' naxk'e sa' rahilal eb' li ras riitz'in rik'in li raatineb'; ab'anan li xseeb'al xch'ooleb' li tiikeb' ru xyu'am nakolok reheb'.

Salmos 18:47

Chiwanq taxaq xloq'al li Qaawa'! Usilaatinanb'il taxaq li Saqoonak ninkol wi' wib'; chiterq'usiiq xwankil linYos laj kolol we,

Jueces 5:2

“Chenima xloq'al li Qaawa', laa'ex li yo'oon wankex chi yalok, jo'k'ihalex li kesume leeb'oqb'al xb'aan li Yos!

Jueces 1:28

Ab'an naq laj Israel kinimank xwankil, kixk'eheb' laj Kanahán chi xtojb'al rix li xna'ajeb', us ta ink'a' kiruuk risinkileb' sa' li xch'och'eb'.

Números 21:2

Toja' naq laj Israel kixye sa' jurament re li Qaawa': “Wi taaq'axtesi eb' li poyanam a'an sa' wuq', tinsach ruheb' chi junajwa li xtenamiteb'”, chan.

Levítico 27:29

Ut moko truuq ta ajwi' xkolb'al rix junaq poyanam ak teneb'anb'il kamk sa' xb'een: tento taakamq.

Números 5:21

(laj tij tixye li jurament a'in sa' xb'een li ixq) majewanb'ilaqat xb'aan li Qaawa' sa' xyanqeb' laatenamit; ink'a' chik truuq tatk'iiresinq ut chisipooq laasa'.

1 Samuel 14:25

Ut naq ke'wulak sa' jun k'iche' b'arwi' naab'al li xya'al kab', maa'ani kiyalok re xb'aan xxiweb' chiru li jurament. Ab'an laj Jonatán ink'a' rab'ihom li raatin li xyuwa' sa' xb'een li tenamit; jo'kan naq kixye' li ru'uj li xxuq', kixch'ik sa' li rochoch seer ut chirix a'an kixyal li xya'al kab' li wank sa' ruq'. Toja' naq kik'ulunk xch'ool.

1 Samuel 14:39

Sa' xk'ab'a' li yo'yookil Yos li xkolok re laj Israel, ninye eere naq li ani wank xmaak taakamq, us ta a'an laj Jonatán li walal”, chan. Maajun sa' xyanqeb' li tenamit kichaq'ok.

1 Samuel 18:25

Ut laj Saúl kixye reheb': “Yehomaq re laj David chi jo'kan: «Moko tumin ta traj li awab'ej, ka'ajwi' o'k'aal xtz'uumaleb' xtz'ejwaleb' laj Filistea, re taa'eeqajunq sa' xb'eeneb' li xik' neke'ilok re», cha'qex”. Ab'an li rajom laj Saúl: naq laj David taat'ane'q sa' ruq'eb' laj Filistea.

Levítico 5:4

“Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.