1 Samuel 14:20 - Q'eqchi Bible

²⁰ Tikto laj Saúl ut chixjunileb' laj puub' li wankeb' rochb'een ke'xch'utub' rib'eb' ut koheb' chi yalok. K'ajo' li poqoqij ib' sa' xyanqeb' laj Filistea: yookeb' chi xkamsinkil rib' chirib'ileb' rib' xb'aan naq sachsookeb' xna'leb'!

Li Santil hu

²⁰ Ut queꞌxchꞌutub ribeb chixjunileb lix soldados li cuanqueb rochben laj Saúl ut queꞌco̱eb chi pletic riqꞌuineb laj filisteo. Eb laj filisteo yo̱queb chixcamsinquil ribeb chi ribileb rib xban nak sachso̱queb chic xnaꞌlebeb.

1 Samuel 14:20 ပူးပေါင်းရင်းမြစ်များ

2 Crónicas 20:23

Eb' laj Amón ut eb' laj Mohab ke'ok chi yalok rik'ineb' li ke'chalk sa' li tzuul Seír, ut ke'xsach ruheb'. Ut naq ke'xchoy xkamsinkileb', ke'ok ajwi' chi xkamsinkileb' rib' chirib'ileb' rib'.

Jueces 7:22

Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

Isaías 19:2

“Tinchiq' xjosq'ileb' laj Ejiipt chirib'ileb' rib' -chan li Yos- ut li junjunq taayaloq rik'in li ras riitz'in: li wank ramiiw taayaloq rik'in li ramiiw, tenamit rik'in tenamit, ut awab'ejilal rik'in awab'ejilal.

1 Samuel 14:16

Eb' laj k'aak'alenel re laj Saúl li wankeb' Kibehá re Benjamín ke'ril li xk'ihaleb' laj Filistea yookeb' chi elelik yalaq b'ar.

Ezequiel 38:21

Laa'in tintaqla chaq k'iila rahilal ut xxiw sa' xb'een laj Gog, ut tinrahob'tesi rik'in yajel ut raxkamk. Tintaqla chaq kawil hab', saqb'ach, xam ut asuupr, ut eb' li xpoyanamil te'yaloq chirib'ileb' rib' rik'in ch'iich'. Laa'in, li Qaawa', xinyehok re a'in.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

1 Reyes 20:21

Toja' naq li awab'ej re Israel ki'elk ut koxchapeb' li kawaay ut eb' li b'eleb'aal ch'iich', ut k'ajo'eb' laj Aram ke'kamsiik ut ke'sache'k ru.