1 Samuel 14:12 - Q'eqchi Bible

¹² Tikto ke'xjap reheb' chi xyeeb'al re laj Jonatán ut laj tenq' re: “Kimqex qik'in. Wank k'aru tqaye eere”. Toja' naq laj Jonatán kixye re laj tenq' re: “Taaqehin, xb'aan naq li Qaawa' ak xq'axtesiheb' sa' ruq'eb' laj Israel”.

Li Santil hu

¹² Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.

1 Samuel 14:12 ပူးပေါင်းရင်းမြစ်များ

2 Samuel 5:24

Ut naq taawab'i chanchan xyaab' yokb' sa' ru'uj li bálsamo, kut aawib' sa' xb'eeneb' xb'aan naq a'an reetalil naq laa'in aj k'amol b'e chawu re xsachb'al ruheb' laj puub' aj Filistea”.

2 Reyes 14:8

Toja' naq laj Amasías kixtaqla xyeeb'al resil re laj Johás, ralal laj Johakás, ri laj Jehú ut awab'ej re Israel: “Kim wik'in ut yaloqo, ani tana jwal kaw rib'”.

1 Samuel 14:10

Ab'anan wi te'xye qe: «Taqenqex chaq arin», laa'o tootaqe'q, xb'aan naq a'an reetalil chiqu naq li Qaawa' tixq'axtesiheb' sa' quq'”.

Jueces 7:15

Naq laj Jedehón kirab'i li xmatk' li winq ut li xyaalal, kixhupub' rib' chi xloq'oninkil li Yos. Chirix chik a'an kisutq'iik sa' xhilob'aaleb' laj Israel ut kixye: “Waklinqex xb'aan naq li Qaawa' ak xq'axtesihom sa' eeruq' li xmuheb'aaleb' laj Madián”, chan.

Jueces 4:14

Toja' naq kixye lix Débora re laj Barak: “Xaqlin, xb'aan naq anaqwan xkutankil naq li Qaawa' tixq'axtesi sa' laawuq' laj Sísara. Li Qaawa' a'an aj k'amol b'e chawu”, chan. Laj Barak kikub'eek chiru li tzuul Tabor ut kitaaqeek xb'aaneb' li lajeeb' mil chi winq,

Génesis 24:48

ut xinhupub' wib' chi xloq'oninkil ut rusilaatinankil li Qaawa', xYos laj Abrahán, li xinxb'eresi chaq chi tiik chi xtawb'al li xrab'in li riitz'in laj eechal we, cho'q rixaqil li ralal.

Génesis 24:42

“Us b'i', sa' li kutan a'in xink'ulunk chire li ha' ut xinye sa' inch'ool: «At Qaawa', xYosat laj Abrahán laj eechal we, wi taawaj rusilankil linb'eenik,

Jueces 9:54

Tikto laj Abimélek kixb'oq laj k'anjel chiru ut kixye re: “Isi laach'iich' ut kamsihin, re naq ink'a' te'xye chiwix naq ixq xkamsink we”, chan. Laj k'anjel chiru kixnumsi chi ch'iich', ut jo'ka'in kikamk laj Abimélek.

1 Samuel 14:13

Kitaqe'k laj Jonatán chi k'achlenb'il, ut chirix yo laj tenq' re. Neke't'anlok eb' laj Filistea chiru laj Jonatán, ut tikto laj tenq' re naxchoy xkamsinkileb'.

Jueces 7:14

Ut li rochb'een kixye re: “A'an reetalil li xch'iich' laj Jedehón, ralal laj Johás, laj Israel. Li Yos ak xq'axtesihom chixjunileb' laj Madián rochb'eeneb' li xmuheb'aaleb' sa' ruq' laj Jedehón”, chan.