1 Samuel 14:1 - Q'eqchi Bible

¹ Sa' jun kutan laj Jonatán, ralal laj Saúl, kixye re laj tenq' re: “Kim, yo'o toj wankeb' wi' jun ch'ina ch'uuteb' aj puub' aj Filistea, toj junpak'al li nima'”, chan. Ab'anan maak'a' kixye re li xyuwa'.

Li Santil hu

¹ Saꞌ jun li cutan laj Jonatán quixye re lix mo̱s li nacꞌamoc re lix chꞌi̱chꞌ li napletic cuiꞌ: —Yoꞌo. Numeko jun pacꞌal li nimaꞌ re topletik riqꞌuineb lix solda̱deb aj filisteo li yo̱queb chi cꞌacꞌale̱nc saꞌ li naꞌajej aꞌan, chan. Ut laj Jonatán incꞌaꞌ quixye re laj Saúl lix yucuaꞌ nak ta̱xic.

1 Samuel 14:1 ပူးပေါင်းရင်းမြစ်များ

Miqueas 7:5

Meepaab' li tixye eere leeras eeriitz'in chi moko chek'ojob' eech'ool chirix junaq leeramiiw; chek'e ajwi' reetal li teeseeraq'i rik'in leerixaqil.

1 Samuel 25:19

ut kixye reheb' laj k'anjel chiru: “Ayuqex chi uub'ej ut laa'in tinxik moqon”, chan. Ab'anan maak'a' kixye re laj Nabal li xb'eelom.

1 Samuel 13:22

Xb'aan a'an, naq kiwulak xq'ehil li yalok, maajun reheb' laj puub' li wankeb' rochb'een laj Saúl ut laj Jonatán wank xch'iich' re yalok. Ka'ajwi' laj Saúl ut laj Jonatán li ralal wankeb' xch'iich' sa' ruq'eb'.

1 Samuel 13:2

Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Jueces 6:27

Toja' naq laj Jedehón kixsik' ruheb' lajeeb' chi winq sa' xyanqeb' laj k'anjel chiru ut kixb'aanu li kiyehe'k re xb'aan li Qaawa'. Ab'anan ink'a' kixb'aanu chi kutan, chi q'eq b'an kixb'aanu, xb'aan xxiw chiruheb' li xkomon ut li wankeb' sa' li tenamit a'an.

1 Samuel 13:23

Jun ch'ina ch'uuteb' aj Filistea koheb' chi xk'aak'alenkil li tzuul re Mikmás.

1 Samuel 14:2

Laj Saúl wan chaq sa' xnub'ajlil Kibehá, rub'el jun toon chi granaad li wank chi xk'atq Mikrón, rochb'eeneb' lajeek'aal xkab' o'q'ob' (600) chi winq

Jueces 14:9

Kixchap chi ruq', ut yo chi xlowb'al li xya'al kab', naq yo chi xik. Naq kiwulak wankeb' wi' li xna' xyuwa', kixk'e xya'al kab'eb' ut ke'xlow, ab'anan ink'a' kixye naq sa' xkakaaxt b'aqel kaqkoj kixxok.