1 Samuel 13:4 - Q'eqchi Bible

⁴ Laj Saúl kixkamsi jun ch'uuteb' aj Filistea, ut eb' laj Israel xik' te'ile'q xb'aaneb' laj Filistea”, chan. Jo'kan naq eb' laj puub' ke'xch'utub' rib'eb' rik'in laj Saúl aran Kilkal;

Li Santil hu

⁴ Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

1 Samuel 13:4 ပူးပေါင်းရင်းမြစ်များ

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

1 Samuel 10:8

Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.

Josué 5:9

Toja' naq li Qaawa' kixye re laj Josué: “Sa' li kutan a'in xwisi sa' eeb'een leexutaan kitiklaak chaq Ejiipt”, chan. Jo'kan naq Kilkal xk'ab'a' li na'ajej a'an chalen toj anaqwan.

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

1 Samuel 27:12

K'ojk'o xch'ool laj Akis rik'in laj David; naxk'oxla: “Ch'olch'o naq laj David xik' chik na'ile'k xb'aaneb' laj Israel li rech tenamitul, ut a'anaq aj k'anjel chiwu chi junelik”, chan sa' xch'ool.