1 Samuel 13:2 - Q'eqchi Bible

² Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

Li Santil hu

² quixsiqꞌueb ru oxib mil li soldado saꞌ xya̱nkeb laj Israel. Cuib mil queꞌcana rochben laj Saúl aran Micmas, ut saꞌ eb li tzu̱l Bet-el. Ut eb li jun mil chic queꞌcana rochben laj Jonatán aran Gabaa saꞌ lix naꞌajeb li ralal xcꞌajol laj Benjamín. Ut eb li jun chꞌol chic queꞌtakla̱c saꞌ xmuheba̱leb.

1 Samuel 13:2 ပူးပေါင်းရင်းမြစ်များ

1 Samuel 10:26

Laj Saúl ajwi' koho sa' rochoch aran Kibehá, rochb'een wiib' oxib' chi winq yo'ooneb' chi yalok, li ke'toch'e'k xch'ool xb'aan li Yos.

1 Samuel 14:31

Sa' li kutan a'an ke'sache'k ru eb' laj Filistea, chalen chaq Mikmás toj Ayalón; ab'anan q'axal tawajenaqeb' laj Israel naq ke'raqe'k chi yalok.

1 Samuel 13:5

ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

1 Samuel 13:23

Jun ch'ina ch'uuteb' aj Filistea koheb' chi xk'aak'alenkil li tzuul re Mikmás.

2 Samuel 21:6

Q'axtesihomaq qe wuqub'eb' li ralal ut laa'o te'qakamsi chiru li Qaawa', aran Kibehá re laj Saúl, li sik'b'il ru xb'aan li Qaawa'”, chankeb'. “Us, tinq'axtesiheb' eere”, chan li awab'ej.

1 Samuel 15:34

Chirix chik a'an laj Samuel koho Ramá ut laj Saúl kisutq'iik sa' li rochoch aran Kibehá, sa' li xna'aj.

1 Samuel 14:52

Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.

1 Samuel 14:5

Li xb'een wank sa' xjayal releb'l iq', sa' xka'yab'aal Mikmás, ut li xkab' wank sa' xjayal rokeb'l iq', sa' xka'yab'aal Kibehá.

1 Samuel 8:11

Kixye reheb': “Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'.

Jueces 19:12

Kisumeek xb'aan laj eechal re: “Ink'a' too'ok sa' jun tenamit maawa' xkomoneb' laj Israel. Paynum toxoonume'q toj Kibehá,

Josué 18:28

Selá-Jalef, Jebús (naraj naxye: Jerusalén), Kibehá ut Kiryat: kaalaju chi tenamit rochb'eeneb' xk'aleb'aaleb'. A'an a'in li reechanihomeb' li ralal xk'ajol laj Benjamín, chi ch'uutal.

1 Samuel 10:5

Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

1 Samuel 13:1

Ak wank xchihab' laj Saúl naq kixtikib' awab'ejink, ut chiru ka'k'aal chihab' kitaqlank sa' xb'eeneb' laj Israel.

1 Samuel 13:11

“K'aru xab'aanu?”, chan laj Samuel. Kichaq'ok laj Saúl ut kixye: “Xwil naq eb' laj puub' yookeb' chinkanab'ankil ut laa'at ink'a' ajwi' nakatk'ulunk sa' xq'ehil jo' xaye we, ut ak ch'utch'uukeb' laj Filistea aran Mikmás.

1 Samuel 13:15

Tikto laj Samuel ki'elk Kilkal ut koho sa' li xb'e. Li rela'eb' laj puub' koheb' chirix laj Saúl re yalok: ke'xkanab' Kilkal ut ke'wulak Kibehá re Benjamín. Aran laj Saúl kirajlaheb' laj puub' li wankeb' rochb'een: wankeb' tana lajeek'aal xkab' o'q'ob' (600) chi winq.

1 Samuel 13:16

Laj Saúl, laj Jonatán li ralal ut eb' laj puub' li wankeb' rochb'eeneb' ke'kanaak Kibehá re Benjamín, ut eb' laj Filistea wankeb' aran Mikmás.

1 Samuel 26:2

Toja' naq laj Saúl kixchap xb'e ut koho sa' li chaqich'och' re Sif chi xsik'b'al laj David, rochb'een lajeek'aal xwaqxaq o'q'ob' (3,000) chi winq sik'b'il ruheb' sa' xyanqeb' laj Israel.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

Josué 22:6

Chirix chik a'an laj Josué kirosob'tesiheb' ut kixchaq'rab'iheb', ut eb' a'an koheb' sa' li xmuheb'aaleb'.

1 Samuel 24:3

Naq kiwulak sa' jun li na'ajej neke'ch'utlaak wi' eb' li karneer chire li b'e, laj Saúl kixk'e reetal naq aran wank jun li ochoch pek, ut ki'ok aran chi b'ehib'k. Laj David ut eb' li rochb'een wankeb' chaq toj chisa' li ochoch pek.

2 Samuel 23:29

laj Jeled, ralal laj Bahaná, Netofá li xtenamit; laj Itay, ralal laj Ribay, aj Kibehá sa' xteepal Benjamín;

Esdras 2:27

li xk'ihaleb' laj Mikmás, a'an wiib' xwuqk'aal (122) chi winq;

Nehemías 11:31

Wan reheb' laj Benjamín ke'xk'ojob' li xna'ajeb' aran Keba, Mikmás, Ayá, Betel ut sa'eb' li xk'aleb'aaleb',