1 Samuel 13:12 - Q'eqchi Bible

¹² Jo'kan naq xinye sa' inch'ool: Anaqwan kub'eekeb' chaq re laj Filistea re yalok wik'in arin Kilkal ut maji' nintz'aama rusilal li Qaawa' sa' inb'een. Jo'kan naq tento xinyeechi'i li k'atb'il mayej”, chan.

Li Santil hu

¹² La̱in xincꞌoxla nak teꞌxtiquib pletic cuiqꞌuin arin Gilgal, ut la̱in toj ma̱jiꞌ nintzꞌa̱ma rusilal li Ka̱cuaꞌ saꞌ inbe̱n. Joꞌcan nak xinmayeja li cꞌatbil xul chiru li Dios, chan laj Saúl.

1 Samuel 13:12 ပူးပေါင်းရင်းမြစ်များ

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

Amós 8:5

Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

1 Samuel 21:7

Sa' li kutan a'an wank aran jun aj k'anjel chiru laj Saúl; kikanaak aran chi xb'aanunkil jun li xtaqlankil chiru li Qaawa'. Li winq a'an aj Dohek xk'ab'a', aj Edom, xjolomileb' laj k'aak'alenel xketomq laj Saúl.

1 Samuel 13:11

“K'aru xab'aanu?”, chan laj Samuel. Kichaq'ok laj Saúl ut kixye: “Xwil naq eb' laj puub' yookeb' chinkanab'ankil ut laa'at ink'a' ajwi' nakatk'ulunk sa' xq'ehil jo' xaye we, ut ak ch'utch'uukeb' laj Filistea aran Mikmás.

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

1 Samuel 15:12

Eq'la sa' li kutan jun chik kiwakliik re xik chi xk'ulb'al laj Saúl, ab'anan ke'xye re: “X'elk chik laj Saúl, xkoho Karmeel b'arwi' xxaqab' jun li eetalil pek re naq taapatz'e'q xk'ab'a'. Ut chirix a'an xkoho Kilkal”.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.