1 Samuel 12:15 - Q'eqchi Bible

¹⁵ Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

Li Santil hu

¹⁵ Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

1 Samuel 12:15 ပူးပေါင်းရင်းမြစ်များ

Josué 24:20

Wi laa'ex teekanab' li Qaawa' re k'anjelak chiruheb' li jalanil yos, li Qaawa' tixtaqla chaq rahilal sa' eeb'een ut tixsach eeru, us ta ak xb'aanu naab'al usilal eere”, chan.

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

1 Samuel 12:9

A'ut eb' a'an ke'sachk sa' xch'ool li Qaawa' li xYoseb', jo'kan naq A'an kixq'axtesiheb' sa' ruq' laj Sísara, xjolomileb' laj puub' re laj Jasor, jo' ajwi' sa' ruq'eb' laj Filistea ut li awab'ej re Mohab, li ke'yalok rik'ineb'.

1 Samuel 5:9

Ab'an naq wank chik aran, li Qaawa' kixrahob'tesiheb' li tenamit a'an li q'axal ke'ok xxiw. K'ajo' naq ke'rahob'tesiik, jo' saajeb' ut cheekeb', ut ke'nujak chi saqijoj.

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Deuteronomio 31:27

Xb'aan naq ninnaw chi us naq q'etq'etex ut kaw leejolom. A' wachik anaqwan, naq toj wankin sa' eeyanq, q'etq'etex chiru li Qaawa', ma toja' ta chik naq tinkamq!

Jueces 2:15

Yalaq b'ar neke'xik chi yalok eb' laj Israel, li ruq' li Qaawa' nachalk sa' xb'eeneb' re xrahob'tesinkileb', jo' chanru xyehom li Qaawa' sa' jurament. Makach'in li ra ke'xk'ul!

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.