1 Samuel 12:10 - Q'eqchi Bible

¹⁰ Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

Li Santil hu

¹⁰ Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

1 Samuel 12:10 ပူးပေါင်းရင်းမြစ်များ

Jueces 10:10

Toja' naq ke'xyaab'a xk'ab'a' li Qaawa' ut ke'xye re: “At Qaawa', at qaYos, xoomaakob'k chawu, xb'aan naq xatqatz'eqtaana re xloq'oninkileb' laj Bahal”, chankeb'.

Jueces 2:13

ke'xkanab' li Qaawa' ut ke'xloq'oni ru laj Bahal jo'wi' lix Astarté.

Jueces 3:9

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj k'amol b'e re taakoloq reheb' chiruheb' li xik' neke'ilok reheb': a' laj Otoniel, ralal laj Kenás ut riitz'in laj Kaleb.

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 26:16

At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Salmos 106:44

Ab'an li Qaawa' kiril xtoq'ob'aal ruheb' ut kirab'i naq yookeb' chi ayaynak xb'aan li rahilal.

1 Samuel 7:2

Li Loq'laj Kaax kiwank aran Kiryat-Yeharín junmay chihab', ut chixjunileb' laj Israel ke'xjiq' xch'ool chirix li Qaawa'.

Jueces 6:7

Naq eb' laj Israel ke'xtz'aama chiru li Yos naq tixkoleb' sa' ruq'eb' laj Madián,

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

Jueces 3:15

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj kolonel: laj Ehud, ralal laj Kerá, aj Benjamín, a'an jun li winq sik li xnim uq'. Sa' jun kutan eb' laj Israel ke'ab'enak chirix, re naq a'an tk'amoq re li tojleb' re laj Eklón, awab'ej re Mohab.

Josué 13:31

jo' ajwi' li xyiijachil Galahad, Astarot ut Edreí, xtenamitul li x'awab'ejihom laj Og, awab'ej re Basán. Chixjunil a'in reechanihom li xyiijachil li xk'ihaleb' laj Makir, ralal xk'ajol laj Manasés, chi ch'uutal.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

1 Samuel 7:6

Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.