1 Samuel 10:6 - Q'eqchi Bible

⁶ Toja' naq tatreechani li xmusiq' li Qaawa', tat-aatinaq jo'keb' a'an ut jalanaqat chik.

Li Santil hu

⁶ Ut la̱at ta̱cuecꞌa lix cuanquil lix musikꞌ li Dios nak ta̱cha̱lk saꞌ a̱be̱n. Tat-oc chi lokꞌoni̱nc rochbeneb. Ut chalen saꞌ li cutan aꞌan jalanak chic la̱ naꞌleb.

1 Samuel 10:6 ပူးပေါင်းရင်းမြစ်များ

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.

Números 11:25

Li Qaawa' kikub'e chaq sa' li choql, kiraatina laj Moisés ut kixk'e reheb' li lajeeb' xkaak'aal chi tiixil winq kach'inatq li musiq'ej wank rik'in laj Moisés. Sa' li honal a'an, naq ki'ok li musiq'ej rik'ineb', ke'xtikib' aatinak jo' propeet; ab'anan ink'a' chik ke'aatinak chi jo'kan moqon.

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

San Mateo 7:22

Naab'aleb' te'yehoq we sa' li kutan a'an: «Qaawa', Qaawa', ma ink'a' tab'i' xoo'aatinak jo' propeet sa' aak'ab'a', ut xoo'isink maa'us aj musiq'ej sa' aak'ab'a', ut xqab'aanu naab'al sachb'ach'oolej sa' aak'ab'a'?».

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Números 11:26

Wiib' reheb' li lajeeb' xkaak'aal ink'a' koheb' sa' li Loq'laj Na'ajej, ke'kanaak b'an sa' li xmuheb'aaleb': aj Eldad xk'ab'a' li jun, ut li jun chik aj Medad. Eb' a'an sik'b'ileb' ru winq, ut sa' xb'eeneb' ajwi' a'an kikub'e chaq li musiq'ej ut ke'aatinak jo' propeet.

Números 11:29

Ab'an laj Moisés kixye re: “Ma xat-ok chinkaqalinkil? Us raj naq chixjunil li xtenamit li Qaawa' te'aatinaq jo' propeet ut te'xk'ul li xMusiq' li Qaawa'!”, chan.

1 Samuel 10:9

Ka'ajwi' laj Saúl kixchaq'rab'i laj Samuel ut ki'elk rik'in, naq li Yos kixjal li xch'ool toj sa' xchamal, ut chixjunileb' li eetalil yeeb'il xb'aan laj Samuel kitz'aqlok ru sa' ajwi' li kutan a'an.

1 Samuel 19:20

Tikto kixtaqlaheb' winq re xchapb'al laj David. Ab'an naq ke'wulak aran, ke'ril jun ch'uuteb' chi propeet chi aatinak jo' propeet, ut laj Samuel yo chi k'amok b'e chiruheb'. Toja' naq li xmusiq' li Yos kichalk sa' xb'eeneb' li xtaql laj Saúl ut eb' a'an ajwi' ke'ok chi aatinak jo' propeet.

Jueces 15:14

Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.