1 Samuel 10:3 - Q'eqchi Bible

³ Toj najt chik chirix a'an, naq tatwulaq wan wi' li ji re Tabor, taak'uleb' oxib' chi winq yookeb' chi taqe'k, re xloq'oninkil li Yos aran Betel. Li jun yooq xk'amb'al oxib' chi kok' chib'aat, li jun chik yooq xk'amb'al oxib' chi k'uluj, ut li rox jun kuk chi b'iin.

Li Santil hu

³ La̱at tat-e̱lk saꞌ li naꞌajej aꞌan ut tatxic toj tatcuulak cuan cuiꞌ li nimla cheꞌ ji aran Tabor. Aran ta̱cꞌuleb oxib li cui̱nk li yo̱queb chi xic Bet-el chixlokꞌoninquil li Dios. Li jun yo̱k chixcꞌambal oxib li cocꞌ chiba̱t. Li xcab yo̱k chixcꞌambal oxib li caxlan cua. Ut li rox yo̱k chixcꞌambal jun botella li vino.

1 Samuel 10:3 ပူးပေါင်းရင်းမြစ်များ

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Génesis 35:1

Li Yos kixye re laj Jakob: “Xaqlin, taqen Betel ut kanaaqat aran. Toxaayiib' jun li artal cho'q re li Yos li kixk'utb'esi rib' chawu naq kat-elelik chiru laj Esaú laawas”.

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Génesis 28:19

Ut Betel kixk'e cho'q xk'ab'a' li na'ajej a'an; ab'an junxil Lus nayeemank re li tenamit a'an.

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

Jueces 8:18

Chirix chik a'an kixye re laj Sébaj ut laj Salmuná: “Chan neke'ilok eb' li winq li xekamsiheb' aran Tabor?”, chan reheb'. Ke'xsume: “Chanchaneb' laa'at neke'ilok. Chanchaneb' li ralal awab'ej chixjunileb'”, chankeb'.

Jueces 4:12

Naq laj Sísara kirab'i resil naq laj Barak, ralal laj Abinohán, ak xtaqe'k chaq sa' xb'een li tzuul Tabor,

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Josué 19:22

Li xnub'ajl nawulak toj Tabor, Sajasín ut Bet-Semes, ut nokoxraqe'q sa' li nima' Jordán: waqlaju chi tenamit rochb'eeneb' xk'aleb'aaleb'.

Josué 19:12

Chalen chaq Sadud naxik sa' xjayal releb'l saq'e, toj sa' xmaril Kislot-Tabor, nokox'elq Dobrat ut nataqe'k Yapía.

Levítico 23:13

Teek'am ajwi' numenaq waqxaqib' liib'r li k'aj triiw, a' li chaab'il ut yoq'lenb'ilaq rik'in aseeyt, re taaq'axtesimanq chiru li Qaawa' jo' k'atb'il mayej sununk xb'ook. Ut cho'q eemayej ha', tento teeq'axtesi jun meet li b'iin.

Levítico 7:13

Rochb'een li mayej re b'anyoxink ut li k'amok ib' sa' usilal rik'in li Yos, taaq'axtesimanq ajwi' kaxlanwa wank xyu.

Levítico 3:12

“Wi a'an jun chib'aat li nayeechi'imank, naq taaq'axtesimanq chiru li Qaawa',

Levítico 3:6

“Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

1 Samuel 10:4

Te'xk'e xsahil aach'ool ut te'xsi wiib' aawa, ut laa'at taak'uleb'.

Jeremías 32:8

Ut relik chi yaal naq laj Janamel, li ralal li wikan, xk'ulunk wik'in, jo' ak xyehom we li Qaawa'; xolinraatina chiru xneb'aalil li rochocheb' laj k'aak'alenel re li awab'ej ut xyeechi'i we li xna'aj li wank Anatot, sa' xteepal Benjamín, xb'aan naq ink'ulub' xloq'b'al ut reechaninkil. Toja' naq xintaw ru naq a'an xtaqlahom li Qaawa',

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Jueces 20:27

Sa'eb' li kutan a'an li xLoq'laj Kaaxil li xSumwank li Yos wank aran Betel ut laj Pinjás, ralal laj Elehasar, ralal laj Aharón, yo chaq chi k'anjelak cho'q aj tij. Ut eb' laj Israel ke'patz'ok re li Qaawa': “Ma tento naq tooxik wi' chik chi yalok rik'ineb' laj Benjamín li qech aj Israelil malaj ut ink'a' chik tooxik?”, chankeb'. Li Qaawa' kixsumeheb': “Ayuqex xb'aan naq wulaj tinq'axtesiheb' sa' leeruq'”, chan.