1 Samuel 10:21 - Q'eqchi Bible

²¹ Chirix chik a'an kixb'oqeb' chi nach'ok li xteepal laj Benjamín chi junqkab'alil, ut kisik'mank ru li xjunkab'al laj Matrí; ut sa' xyanqeb' a'an kisik'e'k ru laj Saúl, ralal laj Kis. Ab'anan naq ke'xsik', ink'a' ke'xtaw.

Li Santil hu

²¹ Ut queꞌbokeꞌ li junju̱nk chꞌu̱tal li ralal xcꞌajol laj Benjamín. Ut li jun chꞌu̱tal li ralal xcꞌajol laj Matri queꞌsiqꞌueꞌ ru. Ut saꞌ xya̱nkeb aꞌan quisiqꞌueꞌ ru laj Saúl, li ralal laj Cis. Queꞌxsicꞌ saꞌ xya̱nkeb, abanan ma̱ ani aran.

1 Samuel 10:21 ပူးပေါင်းရင်းမြစ်များ

Hechos 13:21

Toja' naq ke'xtz'aama x'awab'ejeb', ut li Yos kixk'e laj Saúl reheb', a' li ralal laj Sis, jun li winq xkomoneb' xteepal laj Benjamín; ut a'an ki'awab'ejink chiru ka'k'aal chihab'.

1 Samuel 10:20

Laj Samuel kixb'oq chixjunileb' li xteepaleb' laj Israel, ut li Qaawa' kixsik' ru li xteepal laj Benjamín.

1 Samuel 10:22

Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

2 Samuel 3:19

Laj Abner kiraatinaheb' ajwi' laj Benjamín ut chirix a'an koho Hebrón re xyeeb'al re laj David li k'aru ke'kanaak wi' eb' laj Israel ut chixjunileb' laj Benjamín.

Jonás 1:7

Chirix chik a'an eb' laj b'eresinel jukub' ke'xye chirib'ileb' rib': “Qilaq anaqwan ani tana wank xmaak naq xqak'ul li rahilal a'in”, chankeb'. Ke'xb'uulu rix ut ke'xtaw naq a' laj Jonás.

1 Samuel 9:2

Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

Proverbios 18:18

Li xraqb'a aatin li Yos naxraq li wech'ij ib', ut naxjek' li kaweb' rib' li yookeb' chi yalok.