1 Samuel 10:16 - Q'eqchi Bible

¹⁶ Laj Saúl kixsume li rikan: “Ka'ajwi' xye qe naq ak xe'tawe'k li b'uur”, chan. Ab'an maajun t'orol li aatin kixye chirix naq taa'ok chi awab'ejink, jo' kiyehe'k chaq xb'aan laj Samuel.

Li Santil hu

¹⁶ Laj Saúl quixye re: —Laj Samuel xye ke nak ac xeꞌtauheꞌ lix bu̱r lin yucuaꞌ, chan. Abanan incꞌaꞌ quixye re li rican nak laj Samuel quixye nak aꞌan ta̱oc chokꞌ xreyeb laj Israel.

1 Samuel 10:16 ပူးပေါင်းရင်းမြစ်များ

Proverbios 29:11

Li maak'a' xna'leb' sa' junpaat najosq'o'k; ab'an li wank xna'leb' naxkuy rib'.

1 Samuel 9:27

Naq ke'wulak chire li tenamit, laj Samuel kixye re laj Saúl: “Ye re laamoos chi xikaq chi uub'ej; ab'an laa'at kanaaqat wan toj tinch'olob' chawu li k'aru yeeb'il xb'aan li Yos”. Ut li moosej koho chi uub'ej.

1 Samuel 9:20

Matk'oxlak chik chirixeb' li b'uur li xe'sachk chawu oxejer, xb'aan naq xe'tawe'k chikan. Jo'kan ajwi' ninye aawe naq chixjunil li jwal loq' ut atawaal sa' xyanqeb' laj Israel, aawehaq jo' ajwi' rehaq laajunkab'al”.

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Éxodo 4:18

Toja' naq kisutq'iik laj Moisés, kiq'ajk sa' rochoch laj Jetró, xyuwa' li rixaqil, ut kixye re: “Chakuy inmaak, xik we chi rilb'aleb' wi' chik li was wiitz'in li wankeb' chaq Ejiipt re naq tinnaw ma toj yo'yookeb'”. Kichaq'ok laj Jetró ut kixye re: “Ayu sa' tuqtuukil usilal”.

1 Samuel 10:15

Toja' naq kixye li rikan laj Saúl: “B'aanu usilal, seeraq'i we k'aru xye chaq eere laj Samuel”.

Jueces 14:9

Kixchap chi ruq', ut yo chi xlowb'al li xya'al kab', naq yo chi xik. Naq kiwulak wankeb' wi' li xna' xyuwa', kixk'e xya'al kab'eb' ut ke'xlow, ab'anan ink'a' kixye naq sa' xkakaaxt b'aqel kaqkoj kixxok.

Proverbios 12:23

Li seeb' xch'ool ink'a' naxnimob'resi rib' rik'in li xnawom; a'ut li jip naxk'ut li xmemil yalaq b'ar.

Eclesiastés 3:7

Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.