1 Samuel 1:8 - Q'eqchi Bible

⁸ Ut laj Elkaná li xb'eelom naxye re: “Ana, k'a'ut naq nakatyaab'ak ut ink'a' nakatwa'ak? K'a' naq ra sa' laach'ool? Ma ink'a' tab'i' q'axal usin chiru lajeeb'aq chi alalb'ej?”.

Li Santil hu

⁸ Ut laj Elcana lix be̱lom lix Ana quixye re: —¿Cꞌaꞌut nak nacatya̱bac? Ut, ¿cꞌaꞌut nak incꞌaꞌ chic nacatcuaꞌac? ¿Cꞌaꞌut nak junelic ra a̱chꞌo̱l? ¿Ma incꞌaꞌ ta biꞌ kꞌaxal us nak cuanquin la̱in chiru laje̱bak chi cocꞌal? chan re.

1 Samuel 1:8 ပူးပေါင်းရင်းမြစ်များ

Li xHu LIX RUT 4:15

Li ch'ina'al a'in taak'ojob'anq aach'ool ut taa'iloq aawe sa' laatiixilal, xb'aan naq li xna', a'an laawalib', li jwal nakatxra ut q'axal us cho'q aawe chiru wuqub' chi alalb'ej.

Isaías 54:6

Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Li xHu LAJ JOB 6:14

Wi laa'ex ink'a' nikineetenq'a, naraj naxye naq ink'a' chik nekeroxloq'i li Nimajwal Yos.

1 Ts 5:14

Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

San Juan 20:15

—At ixq, k'a' naq nakatyaab'ak? Ani nakasik'? chu'uxk re xb'aan li Jesus. Sa' xch'ool lix María naq a'an laj ilol awimq; jo'kan naq kixye re: —Wa', wi laa'at xatk'amok re, ye we b'ar xak'e ut laa'in toxinxok chaq.

San Juan 20:13

—At ixq, k'a' naq nakatyaab'ak? chankeb' re. Kichaq'ok a'an ut kixye reheb': —Xb'aan naq xe'xxok linQaawa' ut ink'a' ninnaw b'ar ta xe'xk'e.

Isaías 54:1

Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

1 Samuel 1:7

Jo'ka'in nak'ulmank rajlal chihab': naq neke'xik sa' rochoch li Qaawa', lix Ana nak'ehe'k xrahil xch'ool xb'aan lix Peniná; nayaab'ak ut ink'a' chik naraj wa'ak.