1 Samuel 1:21 - Q'eqchi Bible

²¹ Chirix chik a'an laj Elkaná li xb'eelom koho Siló rochb'een chixjunil li xjunkab'al re xpaab'ankil li xyeechi'om jo'wi' re mayejak chiru li Qaawa' jo' na'uxmank rajlal chihab'.

Li Santil hu

²¹ Ut laj Elcana co̱ cuiꞌchic Silo chixqꞌuebal lix mayej chiru li Ka̱cuaꞌ rochbeneb li ralal xcꞌajol joꞌ naxba̱nu rajlal chihab. Quixba̱nu li cꞌaꞌru quixyechiꞌi re li Dios.

1 Samuel 1:21 ပူးပေါင်းရင်းမြစ်များ

1 Samuel 1:3

Li winq a'an rajlal chihab' nataqe'k chaq sa' li tenamit chi loq'onink ut yeechi'ink mayej chiru li Nimajwal Yos aran Siló, b'arwi' wankeb' li wiib' chi ralal laj Elí, aj Jofní ut aj Pinjás xk'ab'a'eb', aj tijeb' chiru li Qaawa'.

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

1 Samuel 2:19

Ut rajlal chihab' li xna' nayiib'ank re jun xch'ina raq' ut naxq'axtesi chaq re, naq naxik rochb'een li xb'eelom chi mayejak.

Deuteronomio 12:6

Sa' li na'ajej a'an texmayejaq, teekamsi ut teek'at leexul; teek'am li xlajeetqil li k'a'aq re ru eere, leetenq'aal jo'wi' li na'alaak sa' leech'ool, eb' li xb'een ral leeninq ut kok' ketomq.