1 Samuel 1:2 - Q'eqchi Bible

² Laj Elkaná kiwank wiib' rixaqil: jun x'Ana xk'ab'a', ut li jun chik xPeniná. A'in wan chaq xkok'al, ab'an lix Ana maak'a' re.

Li Santil hu

² Laj Elcana quicuan cuib li rixakil. Li jun, xAna xcꞌabaꞌ ut li jun chic xPenina xcꞌabaꞌ. Lix Penina cuan xcocꞌal, abanan lix Ana ma̱cꞌaꞌ xcocꞌal.

1 Samuel 1:2 ပူးပေါင်းရင်းမြစ်များ

San Lucas 1:7

Maak'a'eb' ralal xk'ajol, xb'aan naq lix Isabel ink'a' na'alank chaq ut ak tiixeb' aj chik chi xkab'ichaleb'.

San Mateo 19:8

Kichaq'ok li Jesus ut kixye reheb': —Xb'aan xkawil eejolom naq laj Moisés kixsume cheru xkanab'ankil leerixaqil; ab'an moko jo'kan ta chaq sa' xtiklajik.

Jueces 13:2

Aran Sorá kiwank jun li winq, xkomoneb' li ralal xk'ajol laj Dan, aj Manóhaj xk'ab'a'. Li rixaqil a'an xma'al ixq, maak'a' xkok'al.

Jueces 8:30

Lajeeb' xkaak'aal (70) li ralal kiwank laj Jedehón, xb'aan naq naab'aleb' li rixaqil.

Génesis 29:31

Naq li Qaawa' kiril naq ink'a' narahe'k lix Liiy, kixk'e chi alank; ut lix Rakel kiwank cho'q xma'al ixq.

Génesis 25:21

Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am.

Génesis 4:23

Sa' jun kutan kixye laj Lámek reheb' li rixaqil: “Adá ut Silá, chineerab'i; rixaqilex laj Lámek, cherab'i li waatin. Kinkamsi jun li winq xb'aan naq kinxtiq'; kinkamsi jun saaj al xb'aan naq kinxsak'.

San Lucas 2:36

Wank ajwi' aran jun propeet, x'Ana xk'ab'a', xrab'in laj Fanuel, yo'lajenaq sa' li xteepal laj Aser. A'an ak xikenaq xhab'. Toj saaj naq kisumlaak ut wuqub' chihab' ajwi' kiwank rik'in li xb'eelom.

Génesis 4:19

Laj Lámek kiwank wiib' rixaqil: li xb'een a'an x'Adá xk'ab'a' ut li xkab' xSilá xk'ab'a'.

Génesis 11:30

Lix Saray maak'a' ralal xb'aan naq xma'al ixq.