1 Samuel 1:10 - Q'eqchi Bible

¹⁰ K'ajo' xrahil li xch'ool lix Ana! Ki'ok chi yaab'ak ut chi tijok,

Li Santil hu

¹⁰ Lix Ana qui-oc chi tijoc chiru li Ka̱cuaꞌ chi ra saꞌ xchꞌo̱l ut cꞌajoꞌ nak quiya̱bac.

1 Samuel 1:10 ပူးပေါင်းရင်းမြစ်များ

Li xHu LAJ JOB 7:11

Jo'kan naq ink'a' truuq tinkanab' aatinak. Sa' linrahilal ut xyot'ik li waanm tinte li linch'ool ut tintz'uyinq.

San Lucas 22:44

Ut naq yo chi k'aachi'ik, kaw chik ki'ok chi tijok: li xtiqob' kama' ninqi tz'uqul chi kik' naq kit'ane'k sa' ch'och'.

Li xHu LAJ JOB 10:1

Xintitz' chi wank sa' ruuchich'och', tinte li waanm re xyeeb'al jo'ch'inal jo'nimal naweek'a, xb'aan naq q'axal ra wankin.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

Isaías 54:6

Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Jueces 21:2

Ab'anan chirix a'an koheb' Betel ut aran ke'wank chiru li Qaawa' toj ki'ewuuk, yookeb' chi yaab'ak ut tz'uyink:

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.

Jeremías 22:10

Mexyaab'ak chirix li awab'ej Josías, miraho'k leech'ool chirix li ak xq'ajk xsutq'iik; yaab'anqex b'an chirix laj Salún li toj kamk re, xb'aan naq maajoq'e chik taasutq'iiq chaq chi moko taaril ta chik li na'ajej kiyo'laak wi'.

Isaías 38:15

Ab'anan k'aru tinye re? Xb'aan naq A'an yo chi b'aanunk re. Junes sa' rahil ch'oolej tinwanq chiru chixjunil linyu'am.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Li xHu LAJ JOB 9:18

ink'a' chik tixkanab' naq tk'ulunq raj inch'ool, ut tinxnujob'resi raj chi rahilal.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Li xHu LIX RUT 1:20

Ab'an a'an kixsumeheb': —Meeye chik xNohemí we, xMará b'an teeye we xb'aan naq li Nimajwal Yos xinxnujob'resi rik'in rahil ch'oolej!

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

2 Samuel 13:36

Toje' ajwi' traqe'q chi aatinak, naq ke'ok chixjunileb' li ralal li awab'ej, japjookeb' re chi yaab'ak. Li awab'ej ajwi' rochb'eeneb' chixjunileb' laj k'anjel k'ajo' naq ke'yaab'ak.

Génesis 50:10

Naq ke'wulak Koren-Atad, li wank junpak'al li nima' Jordán, aran ke'xyo'le li kamenaq chi q'axal raheb' xch'ool, ut laj José kixyaab'a li xyuwa'ilq chiru wuqub' kutan.

2 Samuel 17:8

Laa'at nakanaw chi us naq laayuwa' ut eb' li winq rochb'een q'axal kaweb' rib' ut yookeb' xjosq'il anaqwan, jo' junaq tz'uqtz'un li xmaq'mank li raleb'. Jun chik: laayuwa' naxnaw yalok chi us, ut ink'a' tixnumsi li q'oqyink sa' xyanqeb' li tenamit.

1 Samuel 1:9

Sa' jun kutan, chirix naq ak kiwa'ak ut ki'uk'ak aran Siló, kixaqliik lix Ana ut koxk'e rib' chiru li Qaawa'. K'ojk'o laj Elí laj tij sa' li xchunleb'aal, chire rokeb'aal li rochoch li Qaawa'.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Proverbios 14:10

Li junjunq naxnaw li xrahilal xch'ool; ut maa'ani taatz'aqonq rik'in xsahil xch'ool.

Génesis 30:1

Naq lix Rakel kixk'e reetal naq maajun xk'uula'al kiwank rik'in laj Jakob, kixkaqali li xchaq'na' ut kixye re li xb'eelom: “K'ehin chi alank malaj tinkamq”.