1 Reyes 8:3 - Q'eqchi Bible

³ ke'k'ulunk chixjunileb' li xcheekal winqilaleb' laj Israel, ut eb' laj tij ke'xk'am chaq li xLoq'laj Kaax li Qaawa'

Li Santil hu

³ Nak ac chꞌutchꞌu̱queb chixjunileb laj cꞌamol be saꞌ xya̱nkeb laj Israel, eb laj tij queꞌrisi saꞌ li tabernáculo li Lokꞌlaj Ca̱x ut queꞌxcꞌam saꞌ lix templo li Ka̱cuaꞌ.

1 Reyes 8:3 ပူးပေါင်းရင်းမြစ်များ

Josué 3:6

Kixye ajwi' reheb' laj tij: “Chapomaq li xLoq'laj Kaaxil li Sumwank ut numenqex chiruheb' li tenamit”, chan reheb'. Eb' laj tij ke'xchap li xLoq'laj Kaaxil li Sumwank ut ke'q'axonk chiruheb' li tenamit.

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

Josué 3:3

ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Números 4:15

Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

1 Crónicas 15:2

Toja' naq kixye: “Maajun naru naxokok re li xLoq'laj Kaax li Yos, ka'ajeb' wi' laj Leví, xb'aan naq sik'b'ileb' ru xb'aan li Qaawa' re xk'amb'al li xLoq'laj Kaax ut re k'anjelak chiru chi junelik”.

Josué 6:6

Laj Josué, ralal laj Nun, kixb'oqeb' laj tij ut kixye reheb': “Chapomaq li xLoq'laj Kaaxil li Sumwank, ut wuqub' eere te'xk'ameb' li xxukub' karneer chi uub'ej chiru li Loq'laj Kaax”, chan.

Josué 4:9

Laj Josué kixxaqab' ajwi' kab'laju chi pek sa' xyi li nima' Jordán, b'arwi' ke'xaqliik laj tij aj k'amoneleb' re li xLoq'laj Kaaxil li Sumwank. Ut eb' li pek a'an toj wankeb' aran anaqwan.

Números 7:9

Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.

1 Reyes 8:6

Chirix chik a'an eb' laj tij ke'xk'am li xLoq'laj Kaaxil li xSumwank li Qaawa' sa' li Santil Na'ajej, sa' li q'axal Sant, rub'el xxik'eb' li kerubín.

2 Samuel 6:12

Kiyehe'k resil re li awab'ej David chanru naq li Qaawa' kirosob'tesi li xjunkab'al laj Obededón ut chixjunil li k'aru re sa' xk'ab'a' li Loq'laj Kaax. Tikto laj David koho sa' rochoch laj Obededón re xk'amb'al li xLoq'laj Kaax li Yos aran Jerusalén, chi k'ajo' xsahil li xch'ool.