1 Reyes 8:2 - Q'eqchi Bible

² Ut chixjunileb' li xwinqilaleb' laj Israel ke'xch'utub' rib' rik'in laj Salomón li awab'ej. Chiru li po Etanín, a' li xwuq po, sa' xnimal li ninq'e,

Li Santil hu

² Eb li cui̱nk aj Israel queꞌxchꞌutub ribeb riqꞌuin laj Salomón saꞌ xcutanquil li ninkꞌe saꞌ xcuuk li po re li chihab aꞌan, saꞌ li po Etanim.

1 Reyes 8:2 ပူးပေါင်းရင်းမြစ်များ

Levítico 23:34

“Ye a'in reheb' laj Israel: Sa' li o'laju xb'e li po a'an taatiklaaq li xNinq'eheb' li Muheb'aal, ut chiru wuqub' kutan teeninq'ehi sa' xk'ab'a' li Qaawa'.

San Juan 7:37

Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

San Juan 7:2

Ak taanach'oq chaq li xninq'eheb' laj Judiiy, a' li xNinq'eheb' li Muheb'aal neke'xye re.

Esdras 3:4

Ke'xninq'ehi ajwi' li xNinq'eheb' li Muheb'aal jo' tz'iib'anb'il sa' li Chaq'rab', ut rajlal kutan ke'yeechi'ink k'atb'il mayej jo' k'aynaqeb' xb'aanunkil, a' yaal chanru xk'ihaleb' re li junjunq chi kutan.

2 Crónicas 5:3

Ut chixjunileb' li xwinqilaleb' laj Israel ke'xch'utub' rib' rik'in li awab'ej sa' li xwuq po re li chihab', sa' xnimal li ninq'e.

1 Reyes 8:65

Sa' li kutan a'an laj Salomón kixninq'ehi li xNinq'eheb' li Muheb'aal. Chixjunileb' laj Israel ke'ochb'eenink re, k'ajo' tz'aqal xk'ihaleb' li poyanam chalen chaq sa' li tenamit Jamat toj chire li ch'ina ha' re Ejiipt. Ke'ninq'ehik chiru li Qaawa' li qaYos chiru wuqub' kutan ut, chirix a'an, chiru wuqub' kutan chik: kaalaju kutan ke'ninq'ehik sa' komonil.

Deuteronomio 16:13

“Li xNinq'eheb' li Muheb'aal taab'aanu chiru wuqub' kutan, naq akaq xaxok ru laawawimq.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.