1 Reyes 5:9 - Q'eqchi Bible

⁹ Eb' laj k'anjel chiwu te'xyok' eb' li che' aran Líbano ut te'xkub'si toj chire li palaw; te'xtaqsi chiru poyte', ut chiru palaw te'xk'am toj sa' li na'ajej taaye we. Aran taahiteb' li poyte' ut taab'eela laa'at. Ka'ajwi' nintz'aama chawu naq taak'e chaq xtzekemqeb' li wankeb' sa' li wochoch”.

Li Santil hu

⁹ Eb li nequeꞌcꞌanjelac chicuu teꞌxyocꞌ li cheꞌ aran Líbano ut teꞌxcꞌam toj saꞌ li palau. Aran teꞌxyi̱b li poyteꞌ ut teꞌxtakla toj saꞌ junak li naꞌajej li ta̱ye la̱at nak us. Aran teꞌxhit li poyteꞌ ut ta̱takla xxocbal li cheꞌ. Caꞌaj cuiꞌ nintzꞌa̱ma cha̱cuu nak ta̱takla xtzacae̱mkeb li cuanqueb saꞌ li cuochoch, chan laj Hiram.

1 Reyes 5:9 ပူးပေါင်းရင်းမြစ်များ

Ezequiel 27:17

Jo'kaneb' ajwi' laj Israel ut eb' laj Judá, naq neke'loq'ok aawik'in, nakate'xtoj rik'in li triiw re Minit, li k'uluj, li xya'al kab', li aseeyt ut li sununkil b'an.

Esdras 3:7

Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.

Hechos 12:20

K'ajo' xjosq'il laj Herodes sa' xb'eeneb' laj Tiro ut laj Sidón. Jo'kan naq eb' a'an ke'xq'unb'es laj Blasto, xnimal ru aj k'anjel chiru li awab'ej, ut sa' junajil ke'chalk rik'in laj Herodes, yookeb' chi xtz'aamankil li tuqtuukilal xb'aan naq sa' xch'och' li awab'ej na'elk li xtzekemqeb'.

2 Crónicas 2:16

Ut laa'o taaqaset chixjunileb' li che', jo'ch'inal jo'nimal taak'anjelaq chawu, ut sa' xb'een poyte' taaqataqla chiru palaw toj Jope. Chirix chik a'an laa'at tatk'amoq re chixjunil aran Jerusalén”, chan laj Jirán.

2 Crónicas 1:15

Li awab'ej kixch'utub' naab'al li plaat ut oor aran Jerusalén jo' xk'ihaleb' li pek. Jo'kan ajwi' li chaab'il che' yaw: k'ajo' xk'ihaleb', chanchan xk'ihal li xche'el li sikomoor li neke'wank chiru taq'a.

Deuteronomio 3:25

B'aanu usilal, kanab'in chi nume'k re rilb'al li chaab'il ch'och' li wank junpak'al li nima' Jordán, li chaab'il tzuul a'an jo' ajwi' Líbano», chankin.

1 Reyes 5:8

Chirix chik a'an laj Jirán kixtaqla xyeeb'al re laj Salomón: “Xwab'i li k'aru xataqla chaq xyeeb'al we. Tinb'aanu chixjunil li taawaj, chirix risinkileb' li che', li yaw ut li saqichaj.

1 Reyes 5:10

Jo'kan naq laj Jirán kixk'e re laj Salomón jo'k'ihaleb' li yaw ut li saqichaj kiraj,

1 Reyes 9:27

Laj Jirán kixtaqlaheb' winq aj k'anjeleb' chiru, li neke'xnaw chi us xb'eresinkileb' li jukub', re xtenq'ankileb' laj k'anjel chiru laj Salomón.

1 Reyes 3:12

jo'kan naq tinb'aanu jo' xapatz' we: tink'e aachoxahil na'leb' ut xtiikilal laach'ool, jo' maajun wanjenaq chawu chi moko toxwanq chik moqon jo' laa'at.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

2 Crónicas 9:22

Jo'kan naq laj Salomón li awab'ej kixq'ax ruheb' chixjunileb' li awab'ej sa' ruuchich'och', rik'in b'ihomal ut choxahil na'leb'.

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

Eclesiastés 1:16

Toja' naq xinye sa' inch'ool: “Wank inna'leb', ut cham naxik wi'; jwal nim inna'leb' chiruheb' chixjunil li xe'awab'ejink arin Jerusalén xb'enwa chiwu. Q'axal xintaw inna'leb' jo'wi' xseeb'al ink'a'uxl.