1 Reyes 5:7 - Q'eqchi Bible

⁷ Naq laj Jirán kirab'i li raatin laj Salomón, k'ajo' naq kisaho'k sa' xch'ool ut kixye: “Nimaq ta xloq'al li Qaawa' anaqwan, xb'aan naq xk'ehom re laj David jun ralal q'axal chaab'il xna'leb' chi xjolominkil li nimla tenamit a'an!”, chan.

Li Santil hu

⁷ Cꞌajoꞌ nak quisahoꞌ saꞌ xchꞌo̱l laj Hiram nak quirabi li cꞌaꞌru quixye laj Salomón ut quixye: —¡Lokꞌoninbil taxak li Ka̱cuaꞌ xban nak quixqꞌue jun ralal li rey David cuan xnaꞌleb ut aꞌan li xxakaba̱c chi takla̱nc saꞌ li nimla tenamit aꞌin! chan.

1 Reyes 5:7 ပူးပေါင်းရင်းမြစ်များ

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Proverbios 23:24

Li xyuwa' li alalb'ej chaab'il wank xyaalal naq sa sa' xch'ool: xsiya jun li winq wank xna'leb'.

Isaías 8:18

Arin wankin wochb'eeneb' li walal xk'ehom we li Qaawa' jo' loq'laj eetalil cho'q reheb' laj Israel, sa' xk'ab'a' li Nimajwal Yos, li nahilank sa' li tzuul Sión.

Proverbios 15:20

Li alalb'ej li wank xna'leb' naxk'e xsahil xch'ool li xna' xyuwa'; a'ut li kaw xjolom naxtz'eqtaanaheb'.

Proverbios 13:1

Li alalb'ej chaab'il xna'leb' naxpaab' li xyuwa'; a'ut li kaw xjolom ink'a' naxk'e sa' xch'ool li xq'usb'al.

Proverbios 10:1

Xyehom laj Salomón: Li alalb'ej li wank xna'leb' naxsahob'res xch'ool li xna' xyuwa'; li kaw xjolom naxrahob'tesi xch'ooleb'.

Salmos 137:6

Chixletzaq ta rib' li ru'uj waq' sa' li we, wi ink'a' nakatnaqk sa' li waanm, wi ink'a' ninxaqab' li tenamit Jerusalén cho'q xnimal xsahil linch'ool!

1 Reyes 10:9

Loq'oninb'il taxaq li Qaawa' laaYos, li k'ojk'o xch'ool chawix ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”, chan.

1 Reyes 3:9

Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

1 Reyes 1:48

ut xye: «Chinimaaq xloq'al li Qaawa', xYos laj Israel, naq chiru li kutan a'in xxaqab' cho'q awab'ej jun reheb' li walal, ut laa'in xwil rik'in wu»”.

Génesis 33:5

Tikto kixtaqsi li rilob'aal ut, naq kirileb' li ixq ut eb' li xkok'al, kixye: “Aniheb' a'in li neke'ochb'eenink aawe?”. “A'aneb' li ralal laj k'anjel chawu li ke'k'ehe'k re xb'aan li Qaawa'”, chan laj Jakob.

1 Reyes 5:6

Nintz'aama usilal chawu naq taataqlaheb' aran Líbano li te'xyok' li ninqi che' yaw. Eb' laj k'anjel chiwu te'xik rochb'eeneb' laj k'anjel chawu laa'at. Tintojeb' jo'nimal li taapatz' we, xb'aan naq nakanaw naq maak'a'eb' sa' qayanq li neke'yok'ok che' jo'eb' laj Sidón”.

1 Reyes 5:8

Chirix chik a'an laj Jirán kixtaqla xyeeb'al re laj Salomón: “Xwab'i li k'aru xataqla chaq xyeeb'al we. Tinb'aanu chixjunil li taawaj, chirix risinkileb' li che', li yaw ut li saqichaj.

1 Reyes 4:7

Laj Salomón wankeb' kab'laju ruuchil sa' chixjunil Israel. Eb' a'in neke'xch'oolani li awab'ej ut li xjunkab'al. Chixjunqaleb' tento neke'xch'oolani li awab'ej junq po chiru junq chihab'.