1 Reyes 5:3 - Q'eqchi Bible

³ “Laa'at nakanaw chi us naq laj David linyuwa' ink'a' kiru xkab'lankil li rochoch li Qaawa' li xYos, xb'aan naq junelik yo chi yalok rik'ineb' li xik' neke'ilok re, toj reetal naq li Qaawa' kixq'axtesiheb' sa' ruq'.

Li Santil hu

³ —La̱at nacanau nak laj David lin yucuaꞌ incꞌaꞌ quiru xyi̱banquil lix templo li Ka̱cuaꞌ lix Dios xban nak junelic yo̱ chi pletic riqꞌuineb li xicꞌ nequeꞌiloc re toj retal nak li Ka̱cuaꞌ quixkꞌaxtesiheb saꞌ rukꞌ.

1 Reyes 5:3 ပူးပေါင်းရင်းမြစ်များ

1 Crónicas 28:3

ab'anan li Yos xye we: «Moko laa'at ta tatyiib'anq re jun li ochoch sa' ink'ab'a', xb'aan naq laa'at jun aj yalonel ut naab'al li kamsink xab'aanu».

1 Crónicas 22:8

Ab'an li Qaawa' xye we: «Xwil naq laa'at xahoy naab'al li kik'el ut naab'al li yalok xab'aanu. Jo'kan naq moko laa'at ta tatyiib'anq re li wochoch, xb'aan naq xwil naq xahoy naab'al li kik'el sa' ruuchich'och'.

1 Corintios 15:25

Li Kriist tento taa'awab'ejinq toj reetal tixk'eheb' rub'el roq chixjunileb' li xik' neke'ilok re.

Malaquías 4:3

Teeyeq'i sa' leeroq eb' li ink'a' useb' xna'leb', ut jo'kaqeb' li cha sa' leeroq naq taawulaq li Kutan yookin xkawresinkil.

Salmos 110:1

Xsaalm laj David. Kixye linYos re linqaawa': “K'ojlan sa' linnim uq', toj reetal tink'eheb' li xik' neke'ilok aawe rub'el laawoq”.

Salmos 8:6

Kach'in chik maa jo' yos naq xaayoob'tesi, xak'e xloq'al ut xwankilal re awab'ejink.

Josué 10:24

Naq ak wankeb' chik rik'in laj Josué, a'in kixb'oq chixjunileb' laj Israel ut kixye reheb' li xjolomileb' laj puub' li neke'ochb'eenink re: “Jilonqex chaq ut k'ehomaq leeroq sa' xb'een xkuxeb' li awab'ej a'an”, chan. Ut jo'kan ke'xb'aanu.

Efesios 1:22

Kixk'e chixjunil rub'el roq li Kriist ut kixxaqab' A'an sa' xb'een chixjunil cho'q xjolomil li Iklees,

1 Reyes 8:19

Ab'anan maawa' laa'at tatkab'lanq re li ochoch a'an, jun b'an aawalal li siyanb'il aab'aan: a'an taayiib'anq re li ochoch sa' ink'ab'a'», chan.

1 Crónicas 28:2

Toja' naq laj David kixaqliik ut kixye: “Ab'ihomaq li tinye eere, ex was wiitz'in ut intenamit: Laa'in wank sa' inch'ool xkab'lankil jun li ochoch b'arwi' taak'eemanq li xLoq'laj Kaaxil li xSumwank li Qaawa' ut a'anaq li na'ajej b'arwi' li qaYos taahilanq. Ak kawresinb'il chik chixjunil li taak'anjelaq cho'q re a'an,

Deuteronomio 14:5

li kej, li yuk, li xchib'aat k'iche', li wakax maak'a' xxukub', li kamuus.

2 Crónicas 9:4

li xq'emal tzekemq naxtzeka, li rochocheb' laj k'anjel chiru, li xtiqib'ankileb' laj jolominel ut chanru neke'k'anjelak, li raq'eb' li neke'k'ehok ruk'a' ut eb' li k'atb'il mayej nayeechi'imank sa' rochoch li Qaawa', q'axal kisachk xch'ool chi rilb'aleb'

Nehemías 5:17

Lajeeb' xwaqxaqk'aal (150) chi aj Judiiy ut aj jolominel neke'wa'ak sa' li wochoch, chi ink'a' k'eeb'ileb' sa' ajl li qula' li neke'chalk chaq sa'eb' li tenamit chi nach'.

Nehemías 5:18

Rajlal kutan nink'e chi kamsiik jun inwakax ut waqib' inkarneer sik'b'ileb' ru; ut wankeb' ajwi' li xik'anel xul neke'k'uub'amank cho'q qatzekemq. Rajlal lajeetq kutan wank ajwi' b'iin chi yo'oon. Ab'anan maajun wa kinpatz' li k'aru neke'xtzeka laj taqlanel, xb'aan naq numtajenaq li iiq ak wank sa' xb'een li tenamit.