1 Reyes 3:9 - Q'eqchi Bible

⁹ Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

Li Santil hu

⁹ Nintzꞌa̱ma cha̱cuu nak ta̱qꞌue taxak innaꞌleb re nak tinnau takla̱nc saꞌ xbe̱neb la̱ tenamit saꞌ ti̱quilal. Tinnau taxak xqꞌuebal retal bar cuan li us ut bar cuan li incꞌaꞌ us. Cui incꞌaꞌ tina̱tenkꞌa, ¿chan ta cuiꞌ ru nak ta̱ru̱k tintakla̱nk saꞌ xbe̱neb li tenamit aꞌin? chan laj Salomón.

1 Reyes 3:9 ပူးပေါင်းရင်းမြစ်များ

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

2 Samuel 14:17

Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

1 Crónicas 22:12

A' taxaq li Qaawa' chik'ehoq laana'leb' ut laak'a'uxl, re naq jo'q'e tatxxaqab' chi awab'ejink sa' xb'een Israel, taak'anjela ru li xchaq'rab' li Qaawa' laaYos.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Salmos 119:144

Chixjunil li nakaye, a'an tiik ut xaqxo chi junelik; chak'e taxaq inna'leb' re naq twanq inyu'am.

Salmos 119:34

Chak'e taxaq inna'leb' ut tinb'aanu li nakawaj; chi anchal linch'ool tinpaab' laataqlahom.

2 Corintios 3:5

Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

San Mateo 3:14

A'ut laj Jwan ink'a' raj kiraj xkub'sinkil xha': —Laa'in raj tento naq taakub'si inha' -chan-. Chan put ru naq nakatchal wik'in?

Eclesiastés 7:11

Li chaab'il na'leb', a'an us cho'q reheb' li wankeb' sa' ruuchich'och'. Ab'an q'axal wi' chik us naq wank qana'leb' ut b'ihomo ajwi'.

Proverbios 20:12

Li xikej, a'an re ab'ink, ut li xsa' uhej re ilok: chi xkab'ichaleb' xyoob'tesihom li Qaawa'.

2 Crónicas 1:10

Jo'kan utan, chak'e taxaq innawom ut inchoxahil na'leb' re xb'eresinkil li tenamit a'in. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

1 Crónicas 29:19

Chak'e ajwi' re laj Salomón li walal naq tiikaq li xch'ool, re naq tixpaab' laataqlahom, laachaq'rab' ut laawaatin, ut tixnaw taxaq xk'anjelankil ru chixjunil. Chak'e taxaq naq tixchoy xyiib'ankil laaloq'laj ochoch li ak xinkawresi laa'in”, chan laj David.

Filipenses 1:10

re naq texruuq xsik'b'al ru li q'axal chaab'il, ut chi jo'kan maak'a'aq eemuxul, maak'a'aq eemaak sa' xkutankil li Kriist,

2 Corintios 2:16

cho'q reheb' li junch'ol laa'o xb'ook li kamk li nak'amok chaq li kamk, ut cho'q reheb' li junch'ol chik laa'o xb'ook li yu'am nak'ehok yu'am. Ut ani truuq tixb'aanu a'in?

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

Eclesiastés 7:19

Li chaab'il na'leb' q'axal chik naxk'e xkawilal li ani wank xna'leb' chiru lajeeb' chi winq li wankeb' xwankil sa' li tenamit.

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Salmos 119:73

Laa'at xatk'uub'ank we ut xinaapak' rik'in laawuq'; chak'e taxaq inna'leb' ut tintaw ru laachaq'rab'.

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

1 Reyes 3:10

Li Qaawa' kiwulak chiru li k'aru kixpatz' laj Salomón.

1 Reyes 10:24

Chixjunileb' sa' ruuchich'och' neke'raj rilb'al ru laj Salomón, re seeraq'ik rik'in ut xnawb'al li xchoxahil na'leb' k'eeb'il re xb'aan li Yos.

Jeremías 45:5

Maak'a' aj e naq yookat xsik'b'al xnimal aawankil. Maasik' chik, xb'aan naq ok we chi xtaqlankil xninqal rahilal sa' xb'eeneb' chixjunileb' li poyanam. A'ut laa'at tinkol laayu'am, a' yaal b'ar tatxik. Laa'in, li Qaawa', ninyehok re a'in»”.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.