1 Reyes 2:7 - Q'eqchi Bible

⁷ Ab'anan usilal chab'aanu reheb' li ralal laj Barsilay aj Galahad. Taak'eheb' chi tzekank sa' laameex, xb'aan naq a'aneb' tz'aqal ke'tenq'ank we naq kin'elelik chiru laj Absalón laawas.

Li Santil hu

⁷ Abanan ta̱ba̱nu usilal reheb li ralal xcꞌajol laj Barzilai, Galaad xtenamit. Chaqꞌueheb chi cuaꞌac saꞌ la̱ me̱x. Aꞌaneb li xeꞌtenkꞌan cue nak xine̱lelic chiru laj Absalón la̱ cuas.

1 Reyes 2:7 ပူးပေါင်းရင်းမြစ်များ

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

2 Samuel 9:10

Jo'kan naq chalen anaqwan laa'at, eb' laawalal aak'ajol ut eb' laamoos teek'anjela li ch'och' cho'q re laj Mefibahal; ut chixjunil li ru rawimq li ch'och' laa'at tento taak'uula re naq wanq xtzekemq li xjunkab'al laj eechal aawe. Ab'an laj Mefibahal li ri xmam twaj taawa'aq sa' linmeex chi junelik”. Kichaq'ok laj Sibá li wank o'laju ralal ut junmay xmoos,

San Lucas 12:37

Us xaq reheb' laj k'anjel tole'tawe'q chi yo'lek xb'aan laj eechal reheb' sa' xk'ulunik. Relik chi yaal ninye eere naq tixb'ak' li xsa', tixhiltasiheb' sa' meex ut taanume'q sa' xyanqeb' chi xk'eeb'aleb' chi tzekank.

Proverbios 27:10

Maatz'eqtaana laawamiiw chi moko li ramiiw laayuwa'. Moxaaseeraq'i laach'a'ajkilal rik'ineb' laawas aawiitz'in. Jwal us tatxtenq'a laawechkab'al chiru laakomon li wan chaq chi najt.

2 Samuel 19:28

Us ta chixjunil li xjunkab'al linyuwa' xk'ulub' kamsiik aab'aan, laa'at xinaak'ul sa' xyanqeb' li neke'tzekank aawochb'een. Moko ink'ulub' ta naq tintz'aama junaq chik usilal chawu”.

Génesis 40:14

Usan wi tinjultiko'q aawe naq us chik wanqat. Chab'aanu usilal: chat-aatinaq chiwix rik'in laj Parahón re naq tinrisi sa' li na'ajej a'in.

Esdras 2:61

Eb' laj tij: a'aneb' laj Jobaías, eb' laj Hakós, eb' laj Barsilay (li kisumlaak rik'in jun reheb' li xrab'in laj Barsilay aj Galahad ut kixto'oni li xk'ab'a').

Jeremías 52:33

Jo'ka'in naq laj Jekonías kiru risinkil li raq' li preexil chirix ut junelik kiwa'ak rochb'een li awab'ej chiru chixjunil li xyu'am.

2 Reyes 25:29

Kixk'e chi jale'k li raq' ut junelik kiwa'ak laj Johakín rochb'een li awab'ej chiru chixjunil li xyu'am.

2 Reyes 25:30

Jo'kan ajwi' kich'oolaniik xb'aan li awab'ej rajlal kutan chiru chixjunil li xyu'am.