1 Reyes 2:4 - Q'eqchi Bible

⁴ Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

Li Santil hu

⁴ Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

1 Reyes 2:4 ပူးပေါင်းရင်းမြစ်များ

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

1 Reyes 8:25

Jo'kan utan, at Qaawa', xYos laj Israel, chab'aanu ajwi' li kayeechi'i re laj David linyuwa', laj k'anjel chawu, naq kaye re: «Junelik wanq junaq aawalal aak'ajol taak'anjelaq chiwu ut taa'awab'ejinq sa' xb'eeneb' laj Israel, wi eb' laawalal te'b'eeq sa' tiikilal ut te'wanq chiwu jo' xatwank laa'at».

2 Samuel 7:25

“Ut anaqwan, at Qaawa' Yos, kaw chapchooq aab'aan chi junajwa li k'aru xayeechi'i we jo'wi' re linjunkab'al. B'aanu jo' chanru laawaatin.

San Mateo 22:37

Kixye li Jesus re: —Taara li Qaawa' laaYos chi anchal laach'ool, chi anchal laawaanm ut chi anchal laak'a'uxl.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Zacarías 14:2

Sa' li kutan a'an laa'in tinch'utub'eb' chixjunil li tenamit re naq te'yaloq rik'in Jerusalén. Ut taa'eechaniiq li tenamit, taayamtesimanq xsa' eb' li ochoch, te'maakoniiq eb' li ixq, ut jun yiijacheb' li tenamit te'k'ame'q sa' najtil na'ajej. Yal jun ch'ina ch'uut aj chik te'kanaaq.

Salmos 37:22

Li osob'tesinb'il xb'aan li Qaawa', a'an taa'eechaninq re li chaab'il na'ajej; ab'an li tz'eqtaananb'il xb'aan, taasache'q chi junajwa.

Salmos 37:9

xb'aan naq eb' laj b'aanuhom maa'usilal te'sache'q chi junajwa, a'ut li k'ojk'ookeb' xch'ool rik'in li Qaawa' te'reechani li chaab'il na'ajej.

2 Crónicas 17:3

Li Qaawa' kiwank rik'in laj Josafat, xb'aan naq kixb'aanu li us jo' kixb'aanu laj David, li xxe'toonil yuwa', ut ink'a' kik'anjelak chiruheb' laj Bahal,

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

2 Reyes 23:25

Maajun awab'ej kiwank junxil jo' laj Josías, ut maa'ani chik kixq'axtesi rib' moqon chiru li Qaawa' chi anchal xch'ool, chi anchal li raanm ut chi anchal xmetz'ew chi xpaab'ankil li xChaq'rab' laj Moisés, jo' li awab'ej a'an.

2 Reyes 23:3

Chirix chik a'an kixxaqab' rib' chi xk'atq roqechal li loq'laj ochoch ut kixk'ojob' li sumwank a'in rik'in li Qaawa': kixye li raatin naq eb' laj Judá te'xpaab' li Qaawa' ut te'xyu'ami li xchaq'rab', li raatin ut chixjunil li xtaqlahom chi anchaleb' xch'ool chi anchaleb' raanm, ut te'xk'anjela ru li Sumwank jo' tz'iib'anb'il sa' li Hu. Ut chixjunileb' li tenamit ke'xsume xb'aanunkil li naxye li sumwank.

1 Reyes 9:5

laa'in tink'ojob' chi junajwa laawankilal sa' xb'eeneb' laj Israel, jo' kinyeechi'i re laj David laayuwa' naq kinye: «Junelik taawanq junaq aawalal li taak'ojlaaq sa' li xk'ojarib'aaleb' laj Israel».

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

1 Reyes 3:14

Wi tatwanq sa' tiikilal ut taapaab' linchaq'rab' ut eb' li waatin jo' kixb'aanu laj David laayuwa', laa'in tinnajtob'resi roq laayu'am”.

1 Reyes 3:3

Laj Salomón naxra li Qaawa' ut naxpaab' li chaq'rab' k'eeb'il re xb'aan laj David li xyuwa'. Ab'anan toj namayejak ajwi' sa'eb' li xninqal tzuul ut nak'atok chaq pom aran.

Deuteronomio 11:13

“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm,

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

Deuteronomio 7:12

“Wi taak'e reetal eb' li chaq'rab' a'in, wi taapaab' ut taak'anjela ruheb', relik chi yaal naq li xSumwank li Qaawa' laaYos ut li xrahom twanq aawik'in, jo' kixyeechi'i reheb' laana' laayuwa'.

Deuteronomio 6:5

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

Levítico 26:3

“Wi texwanq jo' chanru naxye li waatin, wi teepaab' linchaq'rab' ut teek'anjela ru,

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

2 Crónicas 6:16

Jo'kan utan, at Qaawa', xYos laj Israel, chab'aanu ajwi' li kayeechi'i re laj David linyuwa', laj k'anjel chawu, naq kaye re: «Junelik wanq junaq aawalal aak'ajol taak'anjelaq chiwu ut taa'awab'ejinq sa' xb'eeneb' laj Israel, wi eb' laawalal te'b'eeq sa' tiikilal ut te'wanq chiwu jo' xatwank laa'at».

2 Crónicas 7:18

laa'in tink'ojob' chi junajwa laawankilal, jo' kinyeechi'i re laj David laayuwa' naq kinye: «Junelik taawanq junaq aawalal li taa'awab'ejinq sa' xb'eeneb' laj Israel».

Salmos 39:1

Re li xjolomileb' laj b'ichanel jo'wi' re laj Jedutún. Xsaalm laj David.

Salmos 119:9

Chanru naq li saaj al taawanq sa' xyaalalil? Ka'ajwi' rik'in xpaab'ankil laawaatin.

Jeremías 33:17

“Laa'in, li Qaawa', ninye naq junelik taawanq junaq ralal laj David li taak'ojlaaq chi awab'ejink sa' xb'eeneb' laj Israel.

1 Reyes 1:48

ut xye: «Chinimaaq xloq'al li Qaawa', xYos laj Israel, naq chiru li kutan a'in xxaqab' cho'q awab'ej jun reheb' li walal, ut laa'in xwil rik'in wu»”.

1 Reyes 6:12

“Sa' xk'ab'a' li ochoch yookat chi xyiib'ankil, nawaj xyeeb'al aawe: Wi nakatwank sa' xyaalal, wi taab'aanu li naxye li waatin ut taapaab' chixjunil linchaq'rab', laa'in tinb'aanu li kinyeechi'i re laj David laayuwa'.

1 Reyes 11:36

Jun teep ajwi' tink'e re li ralal, re naq laj David, laj k'anjel chiwu, junelik wanq junaq xsaqenk lochlooq chiwu aran Jerusalén, sa' li tenamit sik'b'il ru inb'aan re naq aran tinwanq laa'in.