1 Reyes 13:2 - Q'eqchi Bible

² Ut ki'aatinak chirix li artal chi kaw xyaab' xkux, jo' kiyehe'k re xb'aan li Qaawa': “At artal, at artal, jo'ka'in xye li Qaawa': «Sa' xyanqeb' li ralal xk'ajol laj David taayo'laaq jun k'uula'al, aj Josías xk'ab'a'. A'an tixmayeja sa' aab'een eb' laj tij li wankeb' sa'eb' li tijob'aal sa' xjolomeb' li tzuul, a'eb' li neke'k'atok pom sa' aab'een. Taak'atoq chik xb'aqeleb' kamenaq poyanam sa' aab'een»”.

Li Santil hu

² Li profeta quia̱tinac chi cau xya̱b xcux ut quixye cꞌaꞌru tixcꞌul li artal joꞌ quiyeheꞌ re xban li Ka̱cuaꞌ. Quixye: —At artal, joꞌcaꞌin xye li Ka̱cuaꞌ Dios: Saꞌ xya̱nkeb li ralal xcꞌajol li rey David ta̱yoꞌla̱k jun li cꞌulaꞌal aj Josías xcꞌabaꞌ. Ut aꞌan ta̱camsi̱nk reheb laj tij li nequeꞌcꞌatoc incienso saꞌ a̱be̱n re xlokꞌoninquil li jalanil dios. Ut saꞌ a̱be̱n tixcꞌateb aꞌan, chan li profeta.

1 Reyes 13:2 ပူးပေါင်းရင်းမြစ်များ

Ezequiel 36:1

“At kaamel winq, aatinaheb' li xtzuulul Israel ut ye reheb' sa' ink'ab'a' naq rab'iiqeb' li waatin.

San Lucas 19:40

Kichaq'ok a'an ut kixye: —Ninye eere: wi eb' a'in ch'anch'o te'kanaaq, a'eb' chik li pek te'xjap re.

Ezequiel 38:4

Laa'in tatinsutq'isi chaq, tinb'ak' laawe chi kareen ut tatwisi sa' laana'aj aawochb'eeneb' laasoldaad: eb' li kawaay jo'wi' eb' li neke'b'eek chirixeb' li tiqtookeb' chi us, chixjunileb' wankeb' xkolb'al rib'eb' ut xch'iich' puniteb', ut q'axal seeb'eb' chi yalok rik'in ch'iich'.

Ezequiel 36:4

Jo'kan naq, ex xtzuulul Israel, ab'ihomaq li naxye li Qaawa' reheb' li tzuultaq'a, eb' li b'ool ut eb' li roq nima', jo' ajwi' reheb' li po'lem ut eb' li tenamit xe'sache'k, li nakirirnak xe'kanaak ut xe'elq'aak li k'aru reheb', ut reheb' li xe'se'eek xb'aaneb' li tenamit wankeb' chi xjunsutam.

Jeremías 22:29

Chejunilex li wankex sa' ruuchich'och', ab'ihomaq li raatin li Qaawa'.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Isaías 42:9

Ilomaq, li k'aru xinye chaq xb'enwa, ak xk'ulmank; anaqwan ak' esil chik tinye eere; tink'e chenaw naq toj maji' nak'ulmank”.

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

2 Crónicas 34:1

Waqxaqib' chihab' wank re laj Josías naq ki'ok cho'q awab'ej ut junlaju xka'k'aal chihab' kitaqlank aran Jerusalén.

1 Reyes 13:32

xb'aan naq ch'olch'o naq taatz'aqloq ru li raatin li Qaawa' li xye chirix li artal re Betel ut chirix chixjunileb' li tijob'aal li wankeb' sa' xjolomeb' li tzuul, sa' xteepal Samaria”.

Deuteronomio 32:1

“Ab'ihomaq, ex choxa, ok we chi aatinak; li ruuchich'och' chirab'iiq li aatin taa'elq chi xtz'uumal we.

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

Jeremías 1:2

Ak oxlaju chihab' rokik laj Josías, ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'.