1 Reyes 10:9 - Q'eqchi Bible

⁹ Loq'oninb'il taxaq li Qaawa' laaYos, li k'ojk'o xch'ool chawix ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”, chan.

Li Santil hu

⁹ Lokꞌoninbil taxak ru li Ka̱cuaꞌ la̱ Dios xban nak xcꞌojob xchꞌo̱l saꞌ a̱be̱n ut xatxxakab saꞌ li cuanquilal saꞌ xbe̱neb laj Israel. Li Ka̱cuaꞌ junelic naxraheb laj Israel. Joꞌcan nak xatxxakab chokꞌ xreyeb re nak tattakla̱nk saꞌ xbe̱neb saꞌ xya̱lal ut saꞌ ti̱quilal, chan.

1 Reyes 10:9 ပူးပေါင်းရင်းမြစ်များ

Salmos 72:2

Chixjolomi taxaq laatenamit sa' tiikilal, ut eb' li neb'a' chixb'eresiheb' sa' xyaalalil.

1 Reyes 5:7

Naq laj Jirán kirab'i li raatin laj Salomón, k'ajo' naq kisaho'k sa' xch'ool ut kixye: “Nimaq ta xloq'al li Qaawa' anaqwan, xb'aan naq xk'ehom re laj David jun ralal q'axal chaab'il xna'leb' chi xjolominkil li nimla tenamit a'an!”, chan.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

2 Crónicas 2:11

Toja' naq laj Jirán, awab'ej re Tiro, kixtaqla jun li hu re laj Salomón li awab'ej, b'arwi' kixye re: “Li Qaawa' xatxxaqab' cho'q awab'ej re Israel, xb'aan naq naxra li xtenamit”.

Salmos 22:8

Chixjunileb' li neke'ilok we nikine'xse'e, nikine'xb'itz' chi reheb', neke'xb'anb'ani li xjolomeb'

Salmos 18:19

Naq wankin chaq sa' rahilal, xe'raj raj inkamsinkil, ab'an li Qaawa' xtenq'ank we.

1 Crónicas 17:22

Laa'at xatxaqab'ank re laatenamit Israel re naq a'anaq laatenamit chi junelik ut laa'ataq li xYos.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

Isaías 62:4

Ink'a' chik taayeemanq aawe: “Tz'eqtaananb'ilat”, chi moko taak'ab'a'in chik: “Sachalk na'ajej”, taayehe'q b'an aawe: “Aj k'ojob'anel inch'ool”, ut laach'och' tixk'ab'a'in: “Ixaqilb'ej”. Xb'aan naq li Qaawa' tixk'ul tz'aqal xch'ool aawik'in ut laach'och' taak'ame'q jo' jun ixaqilb'ej.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

2 Samuel 5:12

Toja' naq laj David kixtaw ru naq li Qaawa', a'an li kik'ojob'ank re cho'q awab'ej re Israel ut kixnimob'resi xwankil li x'awab'ejihom sa' xk'ab'a' Israel li xtenamit.

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Jeremías 31:3

laa'in kink'utb'esi wib' chiru. Laa'in nakatinra rik'in rahom wank chi junelik; jo'kan naq junelik twuxtaana aawu.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob