1 Reyes 1:9 - Q'eqchi Bible

⁹ Sa' jun kutan laj Adonías kixk'uub' jun ninq'e chi xtoon li Saqoonak re Sojélet, chire li ha' Rokel. Aran kixyeechi'iheb' li karneer, li b'ooyx ut wakax li ninq xtib'eleb'. Kixb'oqeb' li ras eb' li riitz'in, ralaleb' li awab'ej, ut chixjunileb' li winq aj Judá aj k'anjeleb' chiru li awab'ej.

Li Santil hu

⁹ Saꞌ jun li cutan laj Adonías quixba̱nu jun li ninkꞌe. Quixcamsi eb li bo̱yx, li carner, ut eb li cuacax li toj sa̱jeb li ni̱nkeb xtibeleb. Quixcamsiheb nachꞌ riqꞌuin li nimla pec Zohelet xcꞌabaꞌ li cuan nachꞌ riqꞌuin li haꞌ Rogel. Quixbokeb chixjunileb li ralal li rey re teꞌxic saꞌ lix ninkꞌe. Ut quixbokeb ajcuiꞌ li nequeꞌcꞌanjelac chiru li rey li chalenakeb Judá.

1 Reyes 1:9 ပူးပေါင်းရင်းမြစ်များ

2 Samuel 17:17

Laj Jonatán ut laj Ajimás wankeb' chire li ha' Rokel, xb'aan naq ink'a' neke'raj te'ile'q chi ok sa' li tenamit. Jun moosej ixq koho chi xyeeb'al resil reheb', ut tikto eb' a'an koheb' rik'in laj David li awab'ej.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Josué 15:7

Li nub'ajl nataqe'k chalen chaq sa' xtaq'ahil Akor toj Debir, ut naxik wi' chik sa' releb'l iq' wan wi' xsutam li pek sa' xjayal li taqsink re Adumín, sa' xjayal rokeb'l iq' re li Nima'. Li xnub'ajl nanume'k sa' li ha' re En-Semes ut nokox'elq En-Rokel.

San Mateo 22:4

Toj kixtaqlaheb' jalan chik li xmoos: «Yehomaq reheb' li wula': Ak k'uub'k'u lintzekemq; eb' linwakax ut eb' linch'oolaninb'il xul ak xe'kamsiik. Ak kawresinb'il chixjunil. Kimqex chi xninq'ehinkil li sumlaak!».

Josué 18:16

Chirix chik a'an nakub'eek sa' xmaril li tzuul li wank chiru li xtaq'ahil Ben-Hinón, sa' releb'l iq' re li xTaq'ahil Refaín, nakub'eek sa' li xtaq'ahil Hinón, sa' rokeb'l iq' wankeb' wi' laj Jebús, ut nakub'eek wi' chik toj En-Rokel.

1 Reyes 1:19

Xkamsiheb' li b'ooyx, li ninqi wakax ut karneer chi yo'oon ut xb'oqeb' chixjunileb' li ralal xk'ajol li awab'ej, jo' ajwi' laj Abiatar laj tij ut laj Johab, xjolomileb' laj puub', ab'anan laj Salomón, laj k'anjel chawu, ink'a' xb'oqe'k.

1 Reyes 1:25

Xb'aan naq sa' li kutan a'in laj Adonías xkub'eek chi xmayejankileb' li b'ooyx, li ninqi wakax ut karneer chi yo'oon, ut xb'oqeb' chixjunileb' li ralal li awab'ej, li xjolomileb' laj puub' ut laj Abiatar laj tij. Anaqwan yookeb' chi wa'ak ut chi uk'ak rochb'een ut japeb' re chi xyeeb'al: «Chinimaaq xloq'al li awab'ej Adonías!».