1 Pedro 5:8 - Q'eqchi Bible

⁸ Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

Li Santil hu

⁸ Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

1 Pedro 5:8 ပူးပေါင်းရင်းမြစ်များ

Efesios 6:11

Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

Santiago 4:7

Jo'kan utan, cheq'axtesi eerib' rub'el roq rub'el ruq' li Yos; kawaqex chiru laj tza, ut a'an taa'eleliq cheru.

Li xHu LAJ JOB 2:2

ut li Qaawa' kixpatz' re: —B'ar xatchalk chaq?, chan re. Kichaq'ok laj tza ut kixye: —Toja' xinraqe'k chi xb'eeninkil chixjunil li ruuchich'och'.

Efesios 4:27

chi moko chek'e xna'aj laj tza eerik'in.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

1 Pedro 4:7

Li roso'jik chixjunil li k'a'aq re ru nach' chik wank. Chiwanq b'i' eena'leb' ut aj'ajaq eeru chi tijok.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

San Lucas 22:31

Kixye ajwi' li Qaawa': —At Simón, at Simón! Chanawaq naq laj tza ak xpatz' chaq xwankil re naq texchiq'chiq'iiq kama' li triiw.

Tito 2:12

naxk'ut chiqu xtz'eqtaanankil li maa'usilal ut li narahimank ru sa' ruuchich'och', sa' xyaalal b'an chiwanq li qayu'am, sa' tiikilal ut paab'ank sa' li ruuchich'och' a'in.

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Mateo 13:39

laj xik'il uuchinel a'an laj tza li ki'awok re li pim. Li q'olok a'an li roso'jik li ruuchich'och', ut eb' laj q'olonel a'aneb' li ánjel.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

San Mateo 24:42

“Chexyo'leq b'i', xb'aan naq ink'a' nekenaw k'aru kutankil tol'elq leeQaawa'.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

Zacarías 3:1

Chirix chik a'an li Qaawa' kixk'ut chiwu sa' moy u laj Josué, li xyuwa'il aj tij, xaqxo chiru li x'ánjel li Yos. Wank ajwi' li maa'us sa' xnim uq' li ánjel re xjitb'al laj Josué.

Tito 1:8

aj k'eholaq ochochnaal b'an, aj raholaq re li us, wanq xna'leb', tiikaq xch'ool, aj paab'anelaq, tixnaw xkuyb'al rib',

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Amós 3:8

Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?

Tito 2:6

Chak'e ajwi' xna'leb'eb' li saaj winq re naq te'wanq sa' tiikilal sa' chixjunil.

Tito 2:2

Chaye reheb' li cheekel winq naq che'xnawaq wank sa' xyaalal, wanqeb' xna'leb', yaalaq ru li raatineb', chaab'ilaqeb' xch'ool sa' li paab'aal ut sa' li rahok, kawaqeb' sa' li kuyuk.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Isaías 50:8

Li nakolok we wank chink'atq: ani taayehoq naq wank inmaak? Xikaqo sa' wiib'al rik'in laj raqol aatin. Ani li najitok we? Chalqaq wik'in ut xyehaq we.

Proverbios 20:2

Naq li awab'ej najosq'o'k, naxjap re jo' li kaqkoj; li ani nayoob'ank xjosq'il xiw xiw wank li xyu'am.

Salmos 104:21

Eb' li kok' kaqkoj neke'xjap re chi xsik'b'al li xtzak, ut neke'xtz'aama xtzekemqeb' chiru li Yos.

1 Timoteo 2:15

Ab'anan taakole'q sa' xk'ab'a' naq na'b'ej, wi junelik kawaq xch'ool sa' li xpaab'aal, sa' li rahok, santilal, ut rik'in q'unil ch'oolej.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Tito 2:4

re te'xk'ut chiruheb' li saaj ixaqilb'ej xraab'aleb' li xb'eelom jo'wi' eb' li ralal xk'ajol.

1 Timoteo 3:11

Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

1 Timoteo 2:9

Jo'kanaqeb' ajwi' li ixq, tiqtooqeb' chi chaab'il, che'xtiqib'aq rib' sa' xyaalal jo' chanru xk'ulub'eb', moko chi k'oloxinb'ilaq ta li rismaleb' chi moko rik'in oor, lemtz'il q'ol malaj aq'ej q'axal terto xtz'aq,

San Mateo 4:1

Toja' naq kik'ame'k li Jesus xb'aan li Musiq'ej sa' li chaqich'och' re naq taayale'q raalenkil xb'aan laj tza.

Oseas 13:8

Tinkut wib' sa' xb'eeneb' jo' naxb'aanu li tz'uqtz'un naq neke'maq'ek li ral chiru; tint'upiheb' li xch'ool, aran ajwi' tinputz'iheb' jo' naxb'aanu li kaqkoj; ut eb' li k'iche'il xul te'choyoq reheb'.

1 Timoteo 3:2

Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk,

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

San Mateo 4:11

Toja' naq kikanab'aak xb'aan laj tza, ut sa' li honal a'an wankeb' ánjel ke'wulak rik'in ut ke'xtikib' k'anjelak chiru.

Amós 3:4

Ma naxjap re li kaqkoj sa' li k'iche' wi toj maji' naxtaw li xtzak? Ma nayaab'ak tab'i' li ral kaqkoj sa' li xsok wi toj maak'a' naxtaw?

Daniel 6:24

Moqon li awab'ej kixtaqla xk'amb'aleb' li winq li ke'jitok re laj Daniel, ut ke'kute'k sa' xyanqeb' li kaqkoj rochb'eeneb' li rixaqil jo'wi' eb' li ralal xk'ajol. Ut toj maji' ajwi' neke'wulak chi ch'och'el naq ke't'upiik ut ke'nuq'e'k xb'aaneb' li kaqkoj!

Ezequiel 22:25

Eb' laj k'amol aab'e jo'keb' li kaqkoj li neke'xjap reheb' chi xt'upinkil li xtzak. Xe'xnuq' eb' li poyanam, xe'xmaq'atq li b'ihomal ut li sahil eechej, ut naab'aleb' li xmalka'an wankeb' chik aawik'in.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Ester 7:6

Kixye lix Ester: “Li xik' na'ilok qe ut yo xsik'b'al qakamsinkil, a'an laj Amán, li reemaaru aj winq!”. K'ajo' naq kichalk xxiw laj Amán chiru li awab'ej ut chiru lix Ester naq kirab'i a'an.

Jueces 14:5

Jo'kan naq laj Sansón kikub'eek Timná rochb'eeneb' li xna' xyuwa', ut naq kiwulak sa' xna'aj li awimq uub', kiril jun li ch'ina kaqkoj, yo chi wo'teek naq kichalk sa' xb'een.

Zacarías 11:3

Eb' laj ilol ketomq yookeb' chi yaab'ak, xb'aan naq maak'a' chik li pach'aya' li kaw wi' xch'ooleb'. Na'ab'imank xyaab'eb' li kaqkoj, xb'aan naq x'oso'k li raxpim chire li nima' Jordán.

Ezequiel 19:7

Kixpuk'i eb' xchaq'alil ru ochoch ut kixsacheb' li tenamit. K'ajo' naq ke'xiwak chixjunil li ruuchich'och' naq ke'rab'i li xyaab' xkux!

Jeremías 51:38

Chixjunileb' laj Babilonia japaqeb' re jo'eb' li kaqkoj; te'tz'uyinq jo'kaqeb' li raleb' li kaqkoj.

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Salmos 109:6

Neke'xye chiwix: “Chixaqab'aaq junaq ink'a' us xna'leb' li taaq'ab'anq re, chiwanq junaq aj jitonel chi xk'atq.

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

San Marcos 4:15

Li wankeb' chire li b'e, a'aneb' li na'awe' wi' li Aatin, ab'an naq ak xe'rab'i, sa' junpaat nachalk laj tza ut naxmaq' li aatin awb'il sa' xch'ooleb'.

2 Corintios 2:11

re naq ink'a' tooxb'alaq'i laj tza: ak naqanaw k'aru li xna'leb'.

Apocalipsis 12:10

Toja' naq kiwab'i jun xyaab' kuxej sa' choxa, kaw yo chi xyeeb'al: “Anaqwan ak xk'ulunk li kolb'a ib', li xnimal xloq'al ut li x'awab'ejihom li qaYos ut li xwankilal li xKriist, xb'aan naq xkute'k chaq taq'a laj jitol reheb' li qiitz'in, a' li najitok reheb' chiru li qaYos chi q'eq ut chi kutan.