1 Pedro 5:1 - Q'eqchi Bible

¹ Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

Li Santil hu

¹ Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

1 Pedro 5:1 ပူးပေါင်းရင်းမြစ်များ

San Lucas 24:48

Laa'ex ak xeril li xtz'aqlojik ru chixjunil a'in.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

2 Juan 1:1

Laa'in li cheekel winq sa' li Iklees nintz'iib'ak rik'in li Qana' sik'b'il ru ut rik'ineb' li ralal xk'ajol, li ninraheb' chi tz'aqal yaal, ut moko ka'aj ta wi' laa'in; jo'kaneb' ajwi' chixjunileb' li neke'nawok re li yaal.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Hechos 14:23

Sa' li junjunq chi Iklees ke'xxaqab' xcheekel winqilaleb' ut, naq ak ke'tijok ut ke'ayuunik, ke'xq'axtesiheb' sa' ruq' li Qaawa', a' li xaqxo wi' li xpaab'ahomeb'.

Hechos 11:30

Ut jo'kan ke'xb'aanu: ke'xq'axtesi a'in sa' ruq'eb' laj Bernabé ut laj Sawlo, ut ke'xtaqla aran rik'ineb' laj k'amol b'e.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Filemón 1:9

ab'an nawaj relajinkil aawu sa' xk'ab'a' li rahok, laa'in laj Pablo, ak xikenaq linchihab' ut anaqwan wankin sa' tz'alam sa' xk'ab'a' li Kristo Jesus.

Tito 1:5

A'in aj e naq xatinkanab' chaq Kreta, re naq taachoy xk'uub'ankil ru li k'aru toj uxk traj, ut taaxaqab'eb' aj jolominel tenamit sa' li junjunq chi tenamit, jo' chanru xatintaqla wi'.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

1 Timoteo 5:19

Maak'ulub'a xjitb'al junaq cheekel winq wi maak'a' wib' oxib'aqeb' testiiw.

1 Timoteo 5:1

Maaq'useb' chi kaw eb' li cheekel winq, chach'olob' b'an xna'leb'eb' jo' yuwa'b'ej. Chawaatinaheb' li saaj winq jo'eb' laawiitz'in;

Filipenses 1:19

Xb'aan naq ninnaw chi us naq a'in taasutq'iiq cho'q usilal cho'q we sa' xk'ab'a' leetij jo'wi' sa' xk'ab'a' xMusiq' li Jesukriist li natenq'ank we.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Hechos 21:18

Sa' li kutan jun chik chiqajunilo qochb'een laj Pablo koxqula'ani chaq laj Santiago; ke'ch'utlaak ajwi' aran chixjunileb' li cheekel winq.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Hechos 20:17

Naq wank Mileto, laj Pablo kixtaqla xb'oqb'aleb' li xcheekel winqilaleb' li Iklees re Éfeso.

Hechos 15:6

Toja' naq eb' li apóstol ut eb' li cheekel winq ke'xch'utub' rib' chi k'uub'ank chirix li na'leb' a'in.

Hechos 15:4

Naq laj Pablo ut laj Bernabé ke'wulak Jerusalén, ke'k'ule'k xb'aan li Iklees, xb'aaneb' li apóstol ut eb' li cheekel winq, ut ke'xseeraq'i chixjunil li kilajxb'aanu li Yos rochb'eeneb' a'an.

Hechos 2:32

Li Jesus a'in kiwaklesiik chi yo'yo xb'aan li Yos ut chiqajunilo laa'o qilom ut nokoo'aatinak chirix.

Hechos 1:22

chalen chaq sa' li xkub'iha' laj Jwan toj sa' li kutan naq kik'ame'k taqe'q li Jesus sa' relik qik'in, chi'okaq cho'q qech aj yehol yaal chirix li xwaklijik chi yo'yo”.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.

1 Pedro 4:13

Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

3 Juan 1:1

Laa'in li cheekel winq sa' li Iklees nintz'iib'ak aawik'in, at Gayo raarookat inb'aan: relik chi yaal naq nakatinra.