1 Pedro 4:8 - Q'eqchi Bible

⁸ Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

Li Santil hu

⁸ Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

1 Pedro 4:8 ပူးပေါင်းရင်းမြစ်များ

Proverbios 10:12

Li xik'il uuchink nayoob'ank raaxiik'; a'ut li rahok naxkuy chixjunil li maak.

Colosenses 3:14

Ut sa' xb'een chixjunil a'in, tiqib'omaq eerib' rik'in li rahok, a'an li naxk'ul wi' rib' li tz'aqalil e u.

Proverbios 17:9

Li naxtz'eq chirix xch'ool li hob'e'k, naxnaw rahok; li ink'a' nakuyuk, naxnajtob'resi li ramiiw.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Santiago 5:20

chenawaq a'in: li xsutq'isink chaq re junaq aj maak li yo chi sachk, tixkol a'an chiru li kamk, ut k'ajo' xk'ihal li maak tixtz'ap ru!

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.

1 Ts 3:12

Ut li Qaawa' chixk'e taxaq eere naq chik'iiq ut chinumtaaq li rahok eerik'in cherib'il eerib' ut rik'in chixjunileb' leeras eeriitz'in, jo' ajwi' naq nekexqara laa'o,

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

1 Timoteo 1:5

Li xyaalal li chaq'rab' a'in, a'an naq chiqara qib' chiqib'il qib' rik'in li rahok na'alaak sa' saq ru ch'oolejil, sa' li tiikil k'a'uxl ut li tz'aqal paab'ank.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Proverbios 18:13

Xutaanal ut xmajelal na'leb' cho'q re li nachaq'ok chi toj maji' naraqe'k li aatinak.

Proverbios 12:16

Li maak'a' xna'leb' najosq'o'k chi junpaat; li wank xna'leb' ink'a' naxk'e sa' xch'ool li hob'e'k.

3 Juan 1:2

At inrahom, ninnaw naq chaab'il yookat chi xk'amb'al laayu'am, ut nintijok chawix re naq kawaqat ut us chat-elq rik'in chixjunil.

Santiago 5:12

Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq, re naq ink'a' taachalq raqb'a aatin sa' eeb'een.

1 Corintios 13:4

Li rahok wank xkuyum sa' chixjunil; a'an chaab'il. Li rahok ink'a' nakaqalik, ink'a' naxk'e xwankil xjunes, ink'a' naxq'etq'eti rib',