1 Pedro 4:16 - Q'eqchi Bible

¹⁶ Ab'anan wi nekek'ul rahilal xb'aan xpaab'ankil li Kriist, mexxutaanak; chenimaaq b'an xloq'al li Yos rik'in naq nekek'ab'a'in “kristiyan”.

Li Santil hu

¹⁶ Cui ut nequecꞌul raylal xban nak nequepa̱b li Cristo, aꞌan moco xuta̱nal ta. Chenima̱k ban xlokꞌal li Dios xban nak la̱ex chic ralal xcꞌajol.

1 Pedro 4:16 ပူးပေါင်းရင်းမြစ်များ

Filipenses 1:29

Xb'aan naq laa'ex k'eeb'il eemaatan sa' xk'ab'a' li Kriist, moko ka'aj ta wi' re xpaab'ankil li Kriist, re aj b'an wi' xk'ulb'al li rahilal sa' xk'ab'a' A'an;

1 Pedro 4:19

Jo'kan utan, eb' li yookeb' chi xk'ulb'al rahilal jo' chanru naraj li Yos, che'xb'aanuuq li us ut che'xq'axtesiiq li raanm sa' ruq' laj Yoob'tesinel tiik xch'ool.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

Isaías 50:7

Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Hechos 26:28

Toja' naq laj Agripa kixye re laj Pablo: —Kach'in aj chik maa nikinaaq'unb'esi chi ok chi kristiyanil.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Hechos 11:26

ut naq kixtaw, kixk'am chaq Antiokía. Ke'wank sa' komonil chiru jun chihab' sa' li Iklees a'an, ut ke'xtzol naab'al li tenamit. Aran Antiokía eb' li xtzolom li Jesus ke'xtikib' k'ab'a'iik “kristiyan”.

Hechos 28:22

Ab'an tqaj aawab'inkil chirix li k'aru nakak'oxla, xb'aan naq naqanaw naq li jek'jookil paab'aal wankat wi' xik' ilb'il yalaq b'ar.

Santiago 2:7

ut neke'xmajewa li loq'laj k'ab'a'ej li kiyaab'asimank sa' eeb'een?

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.