1 Pedro 3:3 - Q'eqchi Bible

³ Moko cherix ta chiwanq li xsahob' eeru, jo' rik'in xt'e'b'al leerismal chi chaab'il, rik'in roksinkil li oor malaj ut rik'in leetiqib'ankil.

Li Santil hu

³ Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.

1 Pedro 3:3 ပူးပေါင်းရင်းမြစ်များ

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Jeremías 4:30

Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Éxodo 33:4

Naq eb' li tenamit ke'rab'i li kawil aatin a'in, ke'raho'k xch'ool ut maajun kixtiqib' rib' rik'in chaab'il aq'ej,

Génesis 24:53

Chirix chik a'an kirisi chaq li aq'ej ut k'a'aq re ru yiib'anb'il rik'in oor ut plaat, ut kixk'e re lix Rebeka. Jo'kan ajwi' kixk'e xmaataneb' li ras ut li xna'.

Génesis 24:47

Chirix chik a'an xinpatz' re: «Ani laayuwa'?», chankin. «Laa'in xrab'in laj Betuel, ralal laj Najor rik'in lix Milká», chan we. Toja' naq xink'e li xmatq'ab' chi ru'uj ruq' ut li xsahob' ru li xkux ruq',

Génesis 24:22

Naq ke'raqe'k chi uk'ak eb' li kameey, li winq kixchap jun matq'ab' oor kach'in chik maa mero oons li raalal, ut kixk'e chi ru'uj ruq' li ixqa'al; kixk'e ajwi' jun sumal xsahob' ru xkux ruq', numenaq kaahib' oons li raalal.

Salmos 45:9

K'ajo' xsununkil ru laawaq'! Kama' xsununkil li miir, álohe ut kasya. Li xyaab' li aarp naxk'e xsahil aach'ool sa' li nimla kab'l yiib'anb'il rik'in marfil.

Éxodo 38:8

Laj Besalel kixyiib' li pila rochb'een li roq, rik'in q'anch'iich': rik'in li xlemeb' li ixq li neke'k'anjelak sa' rokeb'aal li xMuheb'aal li ch'utam.

Éxodo 32:2

Kichaq'ok laj Aharón ut kixye reheb': “Isihomaqeb' li xka'xik leerixaqil, leeralal, leerab'in, a'eb' li yiib'anb'ileb' rik'in oor, ut k'amomaq chaq”.

Ezequiel 23:40

“Chirix chik a'an ke'xtaqla xb'oqb'aleb' li winq toj chi najt ut, naq ke'k'ulunk eb' a'an, ke'atink, ke'xb'on rix li ruheb' ut ke'xk'e xsahob' ru li ruq'eb' re xk'ulb'aleb' li winq.

Ester 5:1

Oxib' kutan chik chirix a'an, lix Ester kixtiqib' wi' chik rib' rik'in raq'ul li xwankilal. Koxnume'q sa' chixjunileb' li okeb'aal, toj reetal kiwulak wan wi' li awab'ej. K'ojk'o li awab'ej sa' li xk'ojarib'aal

Éxodo 35:22

Ke'chalk li winq ut eb' li ixq: chixjunileb' li ke'toch'e'k xch'ool ke'xk'am chaq xkok' kareen, ka'xik, matq'ab', q'ol ut chixjunil li k'aru oor, a' li oor li kixk'e li junjunq jo' eek'asinb'il mayej cho'q re li Qaawa'.

Éxodo 3:22

Chixjunileb' li ixq aj Israel te'xtz'aama reheb' li rechkab'al aj Ejiipt jo'wi' reheb' li neke'hilank sa' rochocheb' li aq'ej ut yalaq k'a'aq re ru yiib'anb'il rik'in plaat ut oor. Taamaq'manq a'an chiruheb' laj Ejiipt, ut laa'ex chirixeb' chik leeralal eek'ajol teek'e”.

2 Reyes 9:30

Toja' naq laj Jehú kox'okaq sa' li tenamit Jisrehel. Ka'ajwi' kirab'i a'in lix Jesabel, kixb'aneb' li rix ru, kixt'e' li rismal ut ki'ilok sa' li b'entaan.

1 Pedro 3:2

rik'in xk'eeb'al reetal li xchaab'ilal leeyu'am, k'ajo'aq xtuulanil leech'ool.