1 Pedro 2:6 - Q'eqchi Bible

⁶ Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

Li Santil hu

⁶ Tzꞌi̱banbil retalil saꞌ li Santil Hu li quixye li Dios chirix li Cristo nak quixye chi joꞌcaꞌin: La̱in xinsicꞌ ru li Colonel joꞌ nak laj tzꞌac naxsicꞌ ru li cha̱bil pec chokꞌ xxeꞌ li cab. Xinsicꞌ ru chokꞌ xxeꞌ le̱ pa̱ba̱l. Li ani ta̱pa̱ba̱nk re incꞌaꞌ ta̱chꞌina̱nk xchꞌo̱l. (Isa. 28:16)

1 Pedro 2:6 ပူးပေါင်းရင်းမြစ်များ

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

Zacarías 10:4

Sa' xyanqeb' a'an te'elq laj jolominel, laj k'amol b'e ut li ninqeb' xwankil; sa' xyanqeb' a'an te'elq ajwi' chixjunileb' laj k'amol b'e.

San Marcos 12:10

“Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

Romanos 10:11

Naxye li Santil Hu: “Yalaq ani taapaab'anq re, ink'a' taakaqo'q xb'aan xxutaan”.

Isaías 50:7

Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

2 Timoteo 3:16

Chixjunil li Santil Hu a'an musiq'anb'il xb'aan li Yos ut nak'anjelak re k'utuk, re q'usuk, re k'ehok na'leb' jo'wi' re xtzolb'aleb' li kristiyan sa' li tiikilal.

San Juan 7:38

Jo' naxye li Santil Hu: Xnima'il yo'yookil ha' te'elq rik'in”.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

San Lucas 23:35

Xaqxookeb' aran li tenamit chi ilok. Ut eb' li xb'eenil li tenamit yookeb' chi reetz'unkil, neke'xye: —Jalanatq chik kixkoleb'; chixkolaq rib' xjunes, wi a'an li Kriist re li Yos, li Sik'b'il chaq ru.

San Mateo 12:18

“A'an a'in laj k'anjel chiwu li sik'b'il ru inb'aan; a'an ninra ut rik'in a'an nasaho'k linch'ool. Tink'e linMusiq' sa' xb'een ut tixye resil li raqb'a aatin reheb' li tenamit.

Isaías 41:11

Chixjunileb' li xik' neke'ilok aawe te'kanaaq sa' xutaan ut te'kub'siiq xwankil; tik maak'a'eb' chik te'kanaaq eb' li neke'raj numtaak sa' aab'een.

Salmos 89:19

Tz'aqal yaal naq li Qaawa' a'an laj Tenq'ahom qe, li xSant laj Israel a'an li qaRey.

Salmos 40:14

Chakuy taxaq inmaak, at Qaawa', ut chinaakol; seeb'a chaq aawib' chintenq'ankil, at Qaawa'!

2 Pedro 3:16

Jo'kan ajwi' natz'iib'ak sa' chixjunileb' li xhu naq na'aatinak chirix a'in. Sa'eb' li xhu wank ajwi' junjunq li aatin ch'a'aj xtawb'al ru, ut eb' li maak'a'eb' xna'leb' ut q'uneb' xch'ool neke'xpo' li xyaalal (jo' neke'xb'aanu rik'in chixjunil li Santil Hu). Ab'an naq neke'xb'aanu a'in, neke'sachk.

2 Pedro 1:20

Ab'anan chetawaq xyaalal a'in xb'enwa: naq chixjunil li raatin propeet li wank sa' li Santil Hu maa'ani taaruhanq chi xch'olob'ankil xyaalal yal xjunes rib',

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

Hechos 1:16

“Ex was wiitz'in, tento xtz'aqlok ru li b'arwan ak yeeb'il chaq sa' li Santil Hu xb'aan li Santil Musiq'ej. A'in ki'aatinak chi xtz'uumal re laj David chirix laj Judas, a' li kik'amok xb'eheb' li ke'chapok re li Jesus.

Daniel 10:21

Anaqwan tink'ut chawu li k'aru tz'iib'anb'il sa' xHuhul li yaal. Maajun natenq'ank we, ka'ajwi' li ánjel Miguel, li na'ilok reheb' laj Israel.

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

San Lucas 20:17

A'ut li Jesus kixka'yaheb' ut kixye: —K'aru xyaalal a'in li tz'iib'anb'il sa' Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l»?

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.