1 Pedro 2:2 - Q'eqchi Bible

² Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

Li Santil hu

² Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

1 Pedro 2:2 ပူးပေါင်းရင်းမြစ်များ

Efesios 4:15

tqak'anjela b'an li yaal rik'in li rahok, ut chi jo'kan took'iiq sa' chixjunil toj reetal toowulaq rik'in li jolomej, a'an li Kriist.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

San Marcos 10:15

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

San Mateo 18:3

ut kixye: —Relik chi yaal ninye eere: wi ink'a' teejal eena'leb' ut wi ink'a' jo'kaqex li kok'al, ink'a' tex'ok sa' li xnimajwal wankilal li choxa.

Efesios 2:21

Rik'in li Kriist chixjunil li kab'l, xchapom rib' chi kaw, nataqe'k xteram, re naq a'anaq santil ochoch q'axtesinb'il re li Qaawa'.

Romanos 6:4

Sa' xk'ab'a' li kub'iha' qechmuqik li Kriist sa' li xkamik, re naq kama' li Kriist kiwaklesiik wi' chik chi yo'yo sa' xyanqeb' li kamenaq xb'aan xnimal xwankil li Yuwa'b'ej, jo'kan ajwi' laa'o choowanq sa' ak' yu'am.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

1 Pedro 1:23

xb'aan naq yoob'tesinb'ilex xka' wahil moko rik'in ta li iyaj nakamk, rik'in b'an li ink'a' nakamk, a' li Raatin li Yos, yo'yo ut wank chi junelik.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Oseas 14:7

Eb' laj Israel te'hilanq wi' chik rub'el linmuheelahom; te'xk'anjela ru li triiw, te'atz'umaq jo' li xtoonal li uub' ut jwal nawnooqeb' ru jo' li b'iin na'elk Líbano.

Oseas 14:5

Jo'kaqin li k'ajob' cho'q re laj Israel, ut a'an taa'atz'umaq jo' li saqihix. Tixchap xxe' chi us sa' ch'och', jo'eb' li che' re Líbano.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

San Mateo 19:14

Ut li Jesus kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal wankilal li choxa.

San Lucas 18:17

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.