1 Pedro 2:1 - Q'eqchi Bible

¹ Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Li Santil hu

¹ Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

1 Pedro 2:1 ပူးပေါင်းရင်းမြစ်များ

Efesios 4:31

Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Santiago 4:11

Ex was wiitz'in, meewech' eerix cherib'il eerib'. Ani naxwech' rix junaq ras riitz'in malaj naraqok aatin chirix li rech aj paab'anelil, naxwech' rix li Chaq'rab' ut naraqok aatin sa' xb'een li Chaq'rab'; ut wi nakaraq aatin sa' xb'een li Chaq'rab', maawa'at chik aj paab'ahom re, aj raqolat b'an chik aatin sa' xb'een li Chaq'rab'.

1 Pedro 3:10

Naxye li Santil Hu: “Wi ani traj xraab'al li xyu'am ut wank chi sahaq sa' xch'ool, mi'aatinak yib' aj aatin chi moko tixye b'alaq'il aatin rik'in xtz'uumal re;

1 Pedro 4:4

Jo'kan naq eb' a'an neke'sachk xch'ool chi rilb'al naq maawa'ex chik jun chi okenk chirixeb' sa' li xmaa'usilaleb', k'ajo' naq yookeb' chehob'b'al:

1 Pedro 4:2

re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.

1 Timoteo 3:11

Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

Salmos 34:13

Ma nakawaj naq najtaq roq laayu'am? Ma nakarahi naq sa taanumsi naab'aleb' li kutan?

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Tito 2:3

Jo'kanaqeb' ajwi' li cheekel ixq: che'wanq xloq'aleb' li xyu'am jo' xk'ulub'eb' laj santil paab'anel; maawa'aqeb' aj yoob'anel aatin chi moko aj kalajenaqeb', a'anaqeb' b'an aj k'utul re li chaab'ilal,

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Romanos 1:29

Numtajenaq xyib'al ru li xmaa'usilaleb', lab' xch'ooleb', aj raholeb' ru b'ihomal, k'ajo' xmaa'usilaleb'; numtajenaqeb' chi aj kaqal, aj kamsineleb' ras riitz'in, aj wech'oneleb', aj b'alaq'eb', ink'a' us xna'leb'eb', aj mololeb' aatin,

San Lucas 6:42

Chanru tatruuq xyeeb'al re laawas aawiitz'in: «At was wiitz'in, kanab'in risinkil li mul sa' laawu», ut ink'a' nakak'e reetal li tz'amb'a wank sa' laawu? At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

San Mateo 23:28

Jo'kan ajwi' laa'ex, tiik eech'ool yal chiruheb' li poyanam, ab'an chisa' nujenaqex chi b'alaq' ut maa'usilal!

San Mateo 7:5

At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

Salmos 37:1

Xsaalm laj David. Michalk aak'a'uxl xb'aaneb' li ink'a' useb' xna'leb', maakaqali eb' li ink'a' neke'xb'aanu li tiikilal.

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

Proverbios 24:1

Maarahi ruheb' li ink'a' useb' xna'leb', chi moko taawochb'eeniheb',

Proverbios 3:31

Maakaqaliheb' li neke'yoob'ank raaxiik', chi moko chatzol aawe li k'aru neke'xb'aanu,

Apocalipsis 14:5

Ink'a' ke'tik'ti'ik, xb'aan naq maak'a' xmaakeb'.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Santiago 4:5

Ma nekek'oxla naq maak'a' rajb'al li naxye li Santil Hu: “Li Yos q'axal naxra li musiq'ej, li kixk'e chi wank qik'in”?

Santiago 3:14

Ab'anan wi q'axal aj kaqalex ut nekexsemsotk chi wech'ink k'a'uxl, meenimob'resi eerib' chi xyeeb'al naq wank eena'leb'. Rik'in xb'aanunkil a'an nekesutq'isi li yaal cho'q tik'ti'.

1 Ts 2:3

Li k'aru naqajultika ink'a' nachalk rik'in li tik'ti', chi moko xb'aan xtz'ajnil qach'ool chi moko re eeb'alaq'inkil.

1 Corintios 5:8

Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

San Lucas 11:44

“Ra chaalel sa' eeb'een laa'ex, xb'aan naq chanchanex li muqleb'aal kamenaq li ink'a' neke'k'utunk, ut eb' li tenamit neke'b'eek sa' xb'een chi ink'a' neke'xnaw!”.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Proverbios 24:19

Matjosq'o'k xb'aaneb' li ink'a' useb' xna'leb', chi moko charahi ru li xmaa'usilaleb'.

Proverbios 14:30

Wi tuqtu laach'ool, kawaq ajwi' laawoq aawuq'; ab'an wi nakatkaqalik, taasachq laayu'am chi junwaakaj.

Li xHu LAJ JOB 36:13

Eb' li ink'a' neke'xk'oxla li Yos, k'ajo' naq neke'josq'o'k. Us ta yookeb' chi k'uluk rahilal, ab'an ink'a' neke'xpatz' xtenq'ankileb'.

San Lucas 12:1

Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

San Marcos 12:15

Ab'anan li Jesus naxnaw naq aj ka'pak'al uheb', jo'kan naq kixye reheb': —K'a'ut naq nekeyal wix? K'amomaq chaq junaq tumin re naq twil.

San Mateo 24:51

taarisi ut tixk'e xna'aj sa' xyanqeb' laj ka'pak'al u: aran taawanq li yaab'ak ut li k'uxuxink ruuch e.

San Mateo 15:7

Ex aj ka'pak'al u, yaal li kixye laj Isaías cherix laa'ex:

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Salmos 73:3

xb'aan xkaqalinkileb' li q'etq'eteb' ut xb'aan rilb'al naq wankeb' sa' sahilal li ink'a' useb' xna'leb'.