1 Pedro 1:4 - Q'eqchi Bible

⁴ re reechaninkil li maatan ink'a' nalajk na'oso'k, li ink'a' natz'ajniik chi moko naq'aak, a' li ak kawresinb'il sa' choxa cho'q eere

Li Santil hu

⁴ Yo̱co chixyoꞌoninquil li kama̱tan li tixqꞌue ke li Dios. Li ma̱tan aꞌin incꞌaꞌ nalaj incꞌaꞌ na-osoꞌ. Cꞌu̱lanbil saꞌ choxa. Aran ma̱cꞌaꞌ ta̱muxuk ru ut ma̱ jaruj ta̱osokꞌ.

1 Pedro 1:4 ပူးပေါင်းရင်းမြစ်များ

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Ezequiel 47:12

Junq re li nima' te'k'iiq k'iila paay li che' na'uuchink ut maajoq'e taat'ane'q li xxaq chi moko eb' li ru. Rajlal po te'uuchinq xb'aan naq li ha' na'elk chaq sa' rochoch li Yos taat'aqresinq reheb'. Taatzekaaq li ru ut li xxaq taa'oksiiq cho'q b'an.

Efesios 1:14

a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Salmos 31:19

Che'memo'q taxaq eb' laj tik'ti', eb' li neke'hob'ok re li tiik xch'ool rik'in q'etq'etil ut majewank.

Santiago 1:11

naq na'elk chaq li saq'e chi k'ajo' xtiqwal, naxchaqihob'resi li pim, nat'ane'k li ratz'um ut na'oso'k li xch'ina'usal. Jo'kan ajwi' naq taa'oso'q li b'ihom sa'eb' li xb'aanuhom.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Gálatas 3:18

Wi ta sa' xk'ab'a' li Chaq'rab' nachalk li qamaatan, ink'a' raj chik taachalq sa' xk'ab'a' li xyeechi'om li Yos. A'ut li Yos rik'in xyeechi'om kixsi li rusilal re laj Abrahán.

1 Corintios 9:25

Chixjunileb' li neke'yalok u neke'xkuy rib' chiru chixjunil; ut yal re xk'ulb'al junaq koroon li na'oso'k. Ab'an laa'o naqayal qaq'e re naq toxqak'ul jun li ink'a' nalajk na'oso'k.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Salmos 47:4

Xq'axtesiheb' sa' quq' chixjunileb' li poyanam, ut xk'eheb' rub'el qoq chixjunileb' li tenamit.

Isaías 66:22

“Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

San Marcos 10:17

Ak yo chi elk li Jesus, xik raj re, naq kichalk jun li winq sa' aanil, kolxwiq'ib' rib' chiru ut kixpatz' re: —At chaab'il aj Tzolonel, k'aru tinb'aanu re naq tweechani li junelik yu'am?

Colosenses 3:24

nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist.

Hebreos 10:34

Laa'ex xewotz chaq xrahilaleb' li xe'wank sa' tz'alam, ut chi sa sa' eech'ool xekuy ajwi' naq xmaq'e'k li k'aru eere, xb'aan naq nekenaw naq sa' choxa wank eeb'ihomal q'axal chik loq' ut ink'a' taalajq taa'oso'q.